Ukrainimiu 30-inik ukiulik Norgemi umiarsuarmi sinilertoorsimasutut unnerluutigineqartoq

Angut Ukrainemiu umiarsuaq containerinik assartuut 135 meterisut takitigisoq Norgemi Trondheimsfjordimi illup eqqaani ikkarlimmat unnerluutigineqarpoq.

Taama Bente Hetland, umiarsuarmik piginnittumi, North Sea Container Linemi pisortaasoq Norgemi nutaarsiassaqartitsivimmut NTB-mut arfininngormat oqarpoq.

Ukrainemiu 30-nik ukiulik umiarsuarmi aquttup tulliatut killisiorneqarnermini nassuiaavoq kisimiilluni pigaartuutilluni sinilertoorsimalluni.

Hetlandi politiinut paasissutissiivoq angut pisumut sunnertisimasorujussuusut, taamaattumillu suliap misissuiffigineqarnerani inuttat eqqissisimatinneqassasut kissaatigalugu.

Taassuma ilanngullugu oqaatigaa maanna umiarsuup isumannaatsumik toqqissisimanartumillu kaanngartinneqarnissaa suliarineqassasoq, umiarsualivimmut isumannatsumik tulanniassammat. Suliarlu misissuiffigineqaqqissaaq.

- Sulineq inuttanut, annaassiniaasunut innuttaasunulu isumannaatsumik suliarineqassaaq, NTB-mut oqarpoq.

Umiarsuup usisaatip peerneqarnissaa arfininngornermi ullaakkut aallartinneqarpoq.

Umiarsuaq 2000 tonsit missaanik oqimaatsigivoq, suliassarlu siulleq tassaavoq containerit umiarsuarmiittut piiarnissaat, taamaalilluni umiarsuup kaanngartinnissaa piuminarnerulissaaq.

- Naatsorsuigatta sapaatip akunnerata kissaanik suliarinera sivisussuseqassaaq. Sapaatip akunnerata tulliani umiarsuup kaanngartinnissaa periarfissaassaaq, Ole T. Bjørnevik, Taubåtkompanietimi pisortaasoq norskit nutaarsiassaqartitsiviannut, NRK-mut oqarpoq.

Taassuma oqaatigaa umiatsiaq puttasoq usilersorsinnaasoq arfininngornerup ingerlanerani umiarsuarmukaanneqassasoq.

Ukrainimiup sinissimaneranut inerneqarpoq, Johan Helberg kangerlunni illumi najuaqartoq tallimanngornerup ullaavani takusamut tupannartumiut iternera.

Taanna iterpoq eqqaamioq "matukkut sianivataarmat".

- Saamerlermut meterinik tallimanik ungasitsigisumiittoq eqqorsimasuuppagu qaarsoq qulaallugu sisoorsimassagaluarpoq, illugalu allaanerulluinnarsimassagaluarpoq, Norgemi tusagassiorfimmut NRK-mut oqarpoq.

Ajoqusertoqarsimanngitsoq uuliamillu aniasoqarsimanngitsoq nalunaarutigineqanngilaq, NTB allappoq.

/ritzau/