United Airlinesip timmisartua Nuummukaartoq marlunngornermi Nunatta nalunaaqutaa malillugu 16.15 Canada qulaallugulu New Yorkimut utiinnarpoq. Timmisartorsuit Nunatsinnukaartut utiinnartarnerat ukioq manna takornartaanngillat. Unali pisoq sila pissutigalugu pinngilaq.
Timmisartup utiinnartariaqarneranut Nuummi mittarfimmi nunanut allanut angallassisoqaqqusaajunnaarallarnera pisstuaasoq United Airlinesip uppernarsarpaa. Timmisartortitseqatigiiffiup tamanna aalajangigarineraa Unitedimit akineqarusunngilaq. Timmisartut allat USA-meersut Canadameersullu Nuummut unnuk taanna mimmata Sermitsiamit taama apeqquteqarpugut.
United Airlinesip timmisartua Nuummukaartoq marlunngornermi Nunatta nalunaaqutaa malillugu 16.15 Canada qulaallugulu New Yorkimut utiinnarpoq. Timmisartorsuit Nunatsinnukaartut utiinnartarnerat ukioq manna takornartaanngillat. Unali pisoq sila pissutigalugu pinngilaq.
Timmisartup utiinnartariaqarneranut Nuummi mittarfimmi nunanut allanut angallassisoqaqqusaajunnaarallarnera pisstuaasoq United Airlinesip uppernarsarpaa. Timmisartortitseqatigiiffiup tamanna aalajangigarineraa Unitedimit akineqarusunngilaq. Timmisartut allat USA-meersut Canadameersullu Nuummut unnuk taanna mimmata Sermitsiamit taama apeqquteqarpugut.
Nuummiit nunanut allanut timmisartuussisinnaanerit pingasunngornerup unnuaani unitsinneqassasut mittarfinnik nakkutilliisoq Angallannermut Aqutsisoqarfik marlunngormat aalajangerpoq. Danmarkimukartussat nunanullu allanukartussat mittarfinniit akuerisaniit, soorlu Kangerlussuarmiit Narsarsuarmiillu, allartalissasut Aqutsisoqarfiup aalajangernera kinguneqarpoq.
Greenland Airports naapertorlugu angallannermut aqutsisoqarfiup timmisartumik angalasussanik nakkutilliisut ilinniartinneqarnerat naammaginanngimmat akuersissut arsaarinnissutaavoq.
– Nuummi mittarfimmi timmisartukkut angallannermi isumannaallisaanermut malittarisassat maleqqullugit Greenland Airports peqqusimanera Uppernarsarsinnaavarput, tassanilu isumannaallisaanermut tunngasunik arlalinnik amigaateqartoqartoq paasisimallutigu, Angallannermut Aqutsisoqarfimmi allaffimmi pisortaq Anders Windfeldt allappoq.
Ilaasut ingerlaqqissinnaanngitsut
United Airlinesimit atlantikoq qulaallugu angalasussat ingerlaqqissinnaanngitsut qanoq aaqqiivigineqassanersut pillugit Sermitsiamit apeqquterput akiumaneqanngilaq. Timmisartoq New Yorkimiit tikittussaq pingasunngornermi ullaakkut qulingiluanut ilaasoqarluni USA-mut utertussaagaluarpoq.
United Airlinesip timmisartua, New Yorkimiittumut Newarkip mittarfianut marlunngornermi ualikkut uternera, Nuummuukaarnermi siullermeerluni utiinnarneruvoq. Silarlunnerali pissutaalluni Unitedip timmisartuussinermini Nuummukarani Islandiliaannartariaqartarnikuuvoq.
Timmisartuussisarneq maanna aasaanerani juunip qaammataani septembarip tungaanut taamaallaat ingerlanneqarpoq. Timmisartortitseqatigiiffiulli Nuummut timmisartuussisarnini 2026-mi ingerlateqqissallugu qanittukkut nalunaarutigaa.
Timmisartoq Amerikameersoq Nuummut marlunngornermi unnukkut mittoq inuinnarmit timmisartorineqartoq, Flightradar24-mi takuneqarsinnaavoq. New Yorkimi Westchester County Airportimeerpoq, sivitsunngitsorlu Nuummiit qangattaqqilluni.
