USA-mit Sisimiunut tikeraartoqarnissaanut akerliussutsimik takutitsisoqalersoq

Illoqarfik eqqissisimallunilu nipaattoq, Sisimiut, piffissami qanittumi akerliusunik takussaasoqassaaq. USA-mit tikeraartoqarnissaq pillugu akerliussutsimik takutitsiniarput.

Sisimiuni innuttaasut ilaasa Sermitsiamut paasissutissiissutigaat, arfininngorpat akerliussutsimik takutitsinissamut piareersarlutik.

Per Nørgård akerliussutsimik takutitsinissamut pilersaarusiortut ilagaat, taassuma akerliuneq nillianertaqanngitsoq oqariartuutiginiarpaat:

- Biilinik saneqquppata tunussavagut. Taamaaliornikkut takutissavarput tikeraarnerat pissusilersornerallu akerisaarnagu. Taamaammat innuttaasut aggersinnaasut tamaasa aggernissaannik akerliussutsimillu takutitsinissaannut kajumissaarpagut, Sermitsiamut oqarpoq.

USA-p nukissiornermut ministeria Chris Wright aamma nunap sillimaniarneq pillugu siunnersorti Mike Waltz peqatigalugu Pituffimmukassapput.

Præsidentip tullersortaata nulia, Usha Vance, Sisimiuni Avannaata Qimussersuanut arfininngorpat isiginnaariassaaq.