Vivian Motzfeldt: Innuttaasut oqariartuutaanik Siumut naalaarnerussaaq
Siumup siulittaasortaava Sermitsiamut apersorneqarnermini oqaatigaa Siumut inuiaqatigiinnut tusarnaarnerunissaa sulissutigineqassasoq. Partii qinersisartunik annaasaqangaatsiarput, qinigaanerpaalli ataqqivai. Qinersisartunik annaasaqangaatsiarnerup allanngortoqartariaqarneranik takutitsivoq.
- Vi skal blive bedre til at lytte, siger den nye forkvinde for Siumut, Vivian Motzfeldt.
Foto: Leiff Josefsen
Nunatsinni innuttaasut amerlanerpaat Siumukkut Inuit Ataqatigiillu siuttuuneranni peroriartorput. Maannali allanngortoqarpoq.
Kalaallit Nunaanni innuttaasut allannguerusupput, piffissarlu nutaaq takkuppoq.
Demoraatit Nalerarlu Inatsisartunut qinersinermi qinigaanerpaapput.
Allanngortoqarnerani Siumut suliassaqarneranik ersersitsisoq, Siumut siulittaasortaava, Vivian Motzfeldt oqarpoq:
- Innuttaasut siuttussaminnik qinersinerat takuarput aamma ataqqivarput. Siumut aatsaat taama appasitigivoq, tamassuma takutippaa suliassaqartugut.
- Innutaasunut qaninnerusumik
oqariartuutaanik naalaarnerunissaq, soorlu inatsisissat pingaarutillit siammasinnerusumillu alloriarfigineqartussat, soorlu aalisarnermut inatsit. Naammassimanngilaq oqaluttuarnerput.
Inuiaqatigiit aaqqissugaaneranik qitiusut immaqaluunniit
illoqarfiit sumiiffiit mikinerusut ineriartorfissaannik tikkuussineq
amigarsimanerarpaa.
- Oqaatsit aninneqartut malitseqartariaqarmata iliuutsinik ineriartoqqinnissamik
tunngaviliisumik pikkorlussimavugut.
Siumut ileqquusumik juunip qaammataani ataatsimeersuassaaq, tassani siulittaasussamik qinersisoqassalluni. Siulittaasussatut sassarumavoq:
- Neriuummik pilersitsineq timitalersugaasumiik suliaralugu
aallartissavaa.
Qinigaaffik kingullermi Siumut qulinik qinigaatigaqareerluni maanna sisamanik isertitaqarpoq. Siumut kinguariarujussuarnera peqqutaalluni Erik Jensen siuliuttaasutut tunuarpoq. Siulersuisuunerillu ataatsimeereernerata kingorna Vivian Motzfeldt siulittaasussatut toqqarneqarpoq.
