KL

DK

Ujakkaarluni pissartanngorniunnerit: NSP sekundimik ataatsimik ajugaasoq

Aasianni ujakkaarluni pissartanngorniunnerit ukioq manna pissanganavipput. Ingammik sisamanngornermi marlukkaarluni iligiiaarluni unamminermi isiginnartut pissangatinneqavipput.

Arnat ukioqatigiiaanni 20-39-ini. Nr. 1: Nivi Geisler aamma Marika Magnussen NSP-miit. Nr. 2: Arnatsiaq Rosing Heilmann aamma Sasja H. Joelsen, SSP-miit. Nr. 3: Andrie Sørensen aamma Nina Naja Lund Perdsen ASP-miit.
Tôrtia Reimer-Johansen
Tôrtia Reimer-Johansen Journalist
Offentliggjort

Ujakkaarluni marlukkaalugit iligiiaarluni sisamanngornermi ujammisoqarmat isiginnaartut pissangatinneqarput. 

Unammisut 2,5 kilometerisut isortutigisoq marloriarlugu kaajallagu iligiikkaarlutik sukkaniullutik unammipput. 

Aallaqqaataaniit naammassinisaata tungaanut ukioqatigiiaanni 20-39-ini NSP aamma SSP unammillualaavipput.

NSP-ip SSP sekundimik ataatsimik ajugaaffigaat.

Marlukkaarluni iligiiaarnermi NSP-meersut, Nivi Geisler aamma Marika Magnussen ukioqatigiiaanni 20-39-ini ajugaapput. Tulliattut inissillutik SSP-meersut, Arnatsiaq Rosing Heilmann aamma Sasja H. Joelsen, Sisimiuneersut.

Unammersuarneq naggaserlugu tallimanngornermi takisuumut unammisoqassaaq.

sport

Atorfiit tamaasa takukkit

– Se alle jobs

Powered by Labrador CMS