sisoraaserluni ooqattaaneq
16-inik ukiulik sisoraaserluni ooqattaanermi tupatsitserujussuartoq
16-inik ukiulik sisoraaserluni ooqattaasartoq Ukaleq Slettemark Nuuk Biathion Klubiminngaanneersoq Norgemi Geilomi tupaallatsitsilluni ajugaavoq.
Ukaleq Slettemark Norskit Sparebank 1 Cup-ertitsineranni 17-ininik ukiullit akornanni ajugaavoq, tassani Norgep kujasissortaaniittut sisoraaserlutik ooqattaasartut 650-it peqataapput.
Kukkuneqanngitsumik kaajallaasoq
- Seqqortaarfiginnerpaanngikkaluartoq Ukaleq pallorluni kukkuneqanngivissumik ooqattaavoq, nikorfallunilu ooqattaanermi pillaatitut kaajallattagaq pingasoriartariaqarsimavaa. Niviarsiaqqanilu peqatimini sukkanersaalluni niviarsiaqqat unammeqatini 28 ajugaaffigai. Taannalu ima sukkatigisimavoq niviarsissat 18-inik ukiulinniit sukkanerusimalluni, niviarsiaqqanilu 18-it akornnani ukiulinni peqataasimagut pingajuattut appuussimassangaluarluni, kattuffik, pissutissaqarluartumik tulluusimaaqaluni, tusagassiuutinut nalunaarummi nassuiaavoq.
Geilomi inernerit takukkit
Ukaleq Slettemark, Norges Topidræts Gymnasium (NTG) Geilomi, upernaaq aallartippoq, tassani ilinniarneq sisoraaserlunilu ooqattaanerit aallutaralugit.
Ukiuni pingasuni ilinniarneq
Ukiuni pingasuni ilinniarfiuvoq, tassanilu ilinniartitaaneq elitesportortilu sungiusaasut pikkorilluinnartut suleqatigiilluinnartarlutik, taamaasillutik ilinniartut ukiunit pingasuni ilinniareerlutik ilinniarnertuunngortarput timersuullu sammineqangaatsiartarluni, kattuffik paasissutissiivoq.