Ajorsarneq pisariaqanngitsoq
Nicemi Frankrigimiittumi pingajussaannik misiligutaasumik unamminermi Kalaallit Nunaat ajorsarpoq 24-25-mik.
Kalaallit angutit assammik arsarlutik nunanut allanut unammisartut pingajussaannik Frankrigimi misiligummik unammipput. Nice pitsaanerit pingajuanniittoq unammillugu - taakkulu 25-24-mik ajugaapput - nikinnermi franskit 13-12-eraarsimasimallutik.
Sungiusaatigalugu unammineq ajunngivissoq, aammali takutitsiviusoq Kalaallit Nunaat suli kissaatigisatut pitsaatigilersimanngitsoq. Målmandi Jens Bang unammineq tamakkerlugu målmandiuvoq - muminnissap tungaanut pitsaarpianngeriarluni numinnerup kingorna pitsaanerulerluni.
Nicermiut Kalallit Nunaata ajugaaffigisinnaasariaqaraluarpai - illersuisut ajorisassaanngikkaluarrput - saassusissartulli torrallaanerioqattaarpallaarput.
Massakkulu pingasunngorpat Dalbymut naggammik sungiusannginnerminni sapaatip akinnerata naanerani Frankrigimi sungiusarallassapput. Kingorna Chileliassapput - De Pan Amerikanske mesterskabit ulluni 22.-26. juni ingerlanneqassammata.
Nicemi unamminermi isertitsisut:
Miilu Rosing, Jakob Larsen, Minik Dahl Høegh, aamma Hans Peter Motzfeldt tamarmik 4, Aqqaluk Sørensen aamma Danny Brandt tamarmik 2, Rasmus Larsen, Johannes Groth, Miki Heilmann, aamma Erik Motzfeldt tamarmik 1.
Sungiusaasuunerup Jakob Andressenip sungiusaatigalugu unamminermi kingullermi angusat naammaginngilai - unamminerup kingorna oqarpoq:
– Suli suliassaqaqaat - isertitseriallaqqinnerusariaqarpugut. Sapaatip akunnerata naanerani isertitseriarneq sungiusarlugu sukataassaagut.