Anders Friis kaammattuivoq: Junimisulli isiginnaariat piumassusseqassapput
Junimi Kalaallit Nunaanniit arsartartut, Amerikap avannarlianiit unammiat unammineranni Timersortarfissuaq Inussivik qoqianngunangajattumik kalaallit illersuisui tusaaneqarsinnaapput. Tassa taanna illersuineq Norgemi kalaallit unamminerini isiginnaariat aamma arsartunut tunniutsikkusunnartoq.
Nilliasut, avaallattut siggartaatillu.
Kiap puigunngilaa junimi Inussivimmi kalaallit unammisaqattaarneranni misigissuseq, kalaallit unamminerit tulleriiaarluugit Nunarsuarmi pissartanngorniunnissamut periarfissaq unamminerit tulleriiaarlugit qanilliartorneranni.
unammiuaarnerit ingerlaneranni isiginnaariat aalajaallutik neriuut pigisimavaat, 2023-milu Nunarsuarmi unammersuarnissamut peqataanissamut peqataanissamut isissutissaq ajugaagamik pillugu.
Aasaq Nuummi unammiuaarnitsinni isiginnaariat illersuisarnerat nukimik tunisisarmat misigerusunnarpoq. Norgemiit nunaqqatigut illersuiartortut tusaagaangatsigit pilluartaqaagut, Anders Friis erseqqissaavoq.
Ulluni unammiffiusussani isissutissat misissornerini maluginiarnarpoq, ullut pingasut kalaallit unammiffissaanni isissutissat, isiginnaarluni issiavissat 180-sunut isissutissat nungoreersimasut.
Siuariaateeqqanut nuannaaqatigisigut
Nunatsinni sungiusaasoq Anders Friisip assammik arsartartuminut kaammattuinissani sungiusimalluarpaa. Ilisarnaatigilersimasaalu tassaavoq, nunanut allanut unammisartut unamminerminni siuariaateeqqat tamaasa nuannaarutigissagaat.
Isiginnaarianut aamma ima oqarpoq:
Isiginnaariat unammisut siuariaateqaraangata nuannaaqatigissagaatigut takorusunnarpoq. Soorlu annaannsinerni, isertitserni tacklerinermilu nuannaaqataagitsi. Anngunniunnerit ingerlaneranni unammisartunut illersuinersi malugitissiuk, Anders Friis oqarpoq.
Nunarsuarmi nunani assammik arsallaqqinnerit ilaat naapissallugit, ukuusut: Norge, Østrig aamma Sydkorea, Norgemut isiginnaarianut sakkortusinnaavoq.
Taama arsallaqqitsigisut naapissallugit ajugaaniarnissaq iluatsikkuminaassaqaaq. taamaattorli isiginnaarianut kaammattuutigara sutigut tamatigut tapersersoqqullugu, Norgemullu isiginnaariat naapinnissaat qilanaaraarput.