Aningaasaliinissamut isumaqatigiissut timersornermut iluaqutaassaaq

Royal Arctic Line aamma Elite Sport Greenland suleqatigiinnissamik isumaqatigiissuteqarput

Royal Arctic Linep timersortartut ineriartornissaat pingaartippaa, taamaammallu Elite Sport Greenlandip tapersersornissaa pissusissamisoortutut isigalugu.

Elite Sport Greenland tusagassiutinut nalunaaruteqarpoq.

Inuiaqatigiinnut iluaqutaasussaq

- Kinguaariinni tullinnguuttussat Royal Arctic Linemi salliutikkusuppagut, takusinnaagatsigu timersornermi piukkunnaatillit pikkorivissortutullu piginnaaneqartuusut ilikkartaraat tunniusimallutik anguniakkanik anguniangaqarneq. Taassuma iluani sungiusarnissaminnut pilersaarusiornerit, ingerlanniakkanik aaqqissuussinerit aammalu allanik peqateqarnissaat. Taasat piginnaaneqarfigilerneri inuiaqatigiinnut iluaqutaajumaartut upperaagut, Ann-Britta A. Olsvig, Royal Arctic Linemi Attaveqaqatigiinnermut nittarsaassinermullu pisortaasoq, erseqqissaalluni oqarpoq.

Timersornerup inuup piginnaaneqarneranut, piumassuseqarneranut aammalu imminut, avatangiisinut kiisalu timersornermut atatillugu akisussaassuseqarnermik pilersitsisartoq Royal Arctic Linemi aningaasaliisarnermut ataatsimiititaliami qularutiginngilarput. Tamakkulu pingaartitassat Elite Sport Greenlandimit sulissutigineqarput.

Inerisaaneq

Elite Sport Greenlandimi siulittaasup, Nikolaj Christoffersenip Nunatsinni suliffeqarfiit pingaarutillit ilaannik suleqateqalerneq nuannaarutigaa.

- Royal Arctic Linemik suleqateqalerneq Elite Sport Greenlandip suliniuteqarneranut pingaaruteqarpoq. Tapiiffigineqarnerlu soorunami pingaaruteqarpoq ESG-ip suliniutaasa pitsaassutsimikkut qaffasissuunissaannut, ESG-mulli pingaaruteqarluinnarportaaq suleqatigisap Royal Arctic Linep inuiaqatigiinni pingaaruteqartumik inissisimasuunera. Suleqatigiinnitsigummi piukkunnaatilinnik pikkorivissortunillu siammasinnerusumik ineriartortitsinissatsinnut periarfissiivoq, tamannami ESG-ip periusissiamini nutaami nukittorsarumammagu. Taamaattumik Royal Arctic Linep tassani suleqatigilernera immikkut nuannaarutigeqaarput, ESG-mi siulittaasoq Nikolaj Christoffersen oqarpoq.