Aqqaluartaa Olsen ujakkaarluarpoq
Aqqaluartaa Olsen ujakkaarluarpoq, kisianni Tjekkiami inuusuttuaqqat nunarsuarmi pissartanngorniunneranni peqataanerminit angusarissaannginnerulluni.
Aqqaluartaa Olsen piginnaasaqarluarnini takutinngitsoorpaa Nunarsuarmi tamarmi Tjekkiami Nove Mestomi inuusuttuaqqat pissartanngorniunneranni. 95-iusuni aallartuni normu 74-inngorpoq.
Aqqaluartaa Olsenip aallaariarnermini marluk uniorpai ajugaasumillu Tom Barthimit Tysklandimeersumit ataatsimut katillugit 4,23 minutsinik kingulliulluni. Angusani tamanna inuusuttup taassuma sisimiormiup iluarivallaanngilaa, siornatigummi piginnaasaqarnerunini takutittareersimagamiuk.
- Aallartinngilaattaa misigaanga tamakkersorsinnaananga, aallartinniaraluarpungali sukataartorujussuullunga silatusaarlungalu, kisianni kilometeri siulleq ingerlareerlungalu misigaara timiga suleqataarunngitsoq. Marloriarlunga issussinermi bom-it marluk eqqorpakka siunertaqarpianngitsumik. Taava tassa apuunniaannartariaqarpunga. Aallannginninni ississusinissamut aamma sisoraatinik ingerlaarnissanni angusagissaarnerunissamut neriuuteqarluarnerugaluarpunga, taamaattumik angusara iluarivallaanngilara, Aqqaluartaa Olsen oqarpoq.
Sapaatit akunneri pingasut qaangiutinngillalluunniit Aqqaluartaa Olsen Nove Mestomi ujakkaarluni sisorarnermi angusarissaarmat angutillu inersimasut nunarsuatsinni pissartanngorniunnissaanut taamaalilluni anngulluni.