Aqqaluk isertitsinerpaajuvoq

Odder HB'mi arsartartoq Aqqaluk Sørensen arfininngornermi Frederiksbergimi FIF unammigamikku arsarluaqaaq

Aqqaluk Sørensen arfininngornermi FIF'imut unamminerup immikkoortuata siullersaani arfineq-marloriarluni isertitseriarami arfineq-marlunnik isertitsivoq. Assi. Toqqorsivimmit Aqqaluk Sørensen, Odderip 1. divisionimi pitsaanerpaat akornanniinneranut peqqutaavoq. Assi: Toqqorsivimmit. Aqqaluk Sørensenip seeqquni annersippaa, taamaattumik unamminerup immikkoortuata aappaani arsaqataangilaq. Assi: Toqqorsivimmit.

Knud Fl. Larsen

Published 4 December 2011 - 14:10

Annonse

Odder HB arfininngornermi FIF'imut unamminermi 33 - 20-mik ajugaapput. Unamminerup inernissaa pissangassutaanngilaq. Odder HB unammisaminnit ullugissaarnerupput.

Aqqaluk Sørensen unamminerup immikkoortuani siullermi arfineq-marlunnik isertitsivoq. Nikinnissamut minutsit marlussuinnanngortut aqeqqanilu apornermikkut seeqquminik annerami unamminerup immikkoortuata aappaani Aqqaluk unammeqataaqqinngitsoorpoq.

- Arsarluaqaanga. Immaqa ukioq unammiuaarfik manna aatsaat taama unammilluartigaanga. Arfineq-marloriarlunga isertitseriarama arfineq-marlunnik isertitsivunga, Aqqaluk Sørensenip unammineq naammagisimaarpaa uggualaarlunili unammineq tamaat arsaqataannginnami. Unammeqataanermini angusani iluarisimaarlugu aappaatigulli peqataannginnini uggoralugu.

Odder HB ajugaanermigut 1. divisionimi angusarinnerpaanut suli akuuvoq.