Arctic Winter Games Nuummi 2014

– Arctic Winter Games-ip nunani tamalaani kommité-a isumaqarpoq Arctic Winter Games-imik aaqqissuisussani Nuuk 2014-imi tullinnguuttariaqartoq tamannalu 2010-mili pisimasussatut isigalugu. Kisianni unammersuarnerit 2010-imi Alberta-mi Grand Prairie-mi ingerlanneqartussanngorput, taama Sermitsiamut oqarpoq nunarput sinnerlugu Arctic Winter Games-ip nunani tamalaani kommité-ani ilaasortaq Jens Brinch. Nunani tamalaani kommité tassaavoq Arctic Winter Games-imi oqartussat qullersaat.

– Nunanili tamalaani kommité ilanngullugu oqarpoq Nuuk aaqqissuisuussappat timmisartorsuarnut mittarfeqalersimasariaqartoq siumut ilimagineqareersinnaammat taamanikkussamut peqataasussat amerlanipilussuussasut, taama Jens Brinch oqarpoq.

Annerusumi atuarsinnaavutit Sermitsiami tallimanngornermi saqqummersumi.