Arctic Winter Gamesimut arsaakkiartussat
Arnani arsaattartoqatigiit marluk Arctic Winter Gamesimut toqqarneqarput.
– Nivissanut angajullernut isumalluaateqangaatsiarpunga, tassa toqqarneqartunit arfinilli siusinnerusukkut Arctic Winter Gamesimi peqataasimammata taamaasillutillu angusarissaarnissamut piumasaqaatit ilisimallugit, arnat arsaattartut sungiusaasuat Bent Petersen oqarpoq.
Ukiut marluk matuma siornanisut ukioqqortoqatigiit marluk toqqarneqarput, taamanikkut kalaallit nivissat arsaattartut nukarliit kuultinnallutik angajulliillu sølvinnallutik.
– Nivissat nukarliit aamma arsaattartoqalereerput inersimasuni malunnaateqalereersunik, taamaattumillu nivissanut isumalluarnissaq tunngavissaqarluarpoq. Maanna Yellowknife-mukannginnitsinni nivissat Kangerlussuarmi katersuutsinnissaat sulissutigaarput. Holdikkaarluni timersuutini arsaannertut ittuni holdip arsaattarfiup avataani aamma ingerlalluarnissaa pingaaruteqartorujussuuvoq, Bent Petersen oqarpoq.
Nivissat nukarliit Arctic Winter Gamesiliartussat tassaapput:
Laila Platou, NÛK
Karoline Malakiassen Zeeb
Arnaq Bourup Egede, NÛK
Manumina Reimer, I-69
Karoline Dahl, Disko-76
Nukaaraq Lyberth, S-68
Karen Skifte, I-69
Mikkala Tobiassen, N-48
Kingoraartissamaatit:
Najattaaq Kristiansen, G-44
Ivalo Brandt, Kugsak-45
Nivissat angajulliit Arctic Winter Gamesiliartussat tassaapput:
Nivi K. Amossen, NÛK
Bente Mathiassen, B-67
Alida Samuelsen, I-69
Katinka Zeeb, UB-68
Hansinannguaq Siegstad, I-69
Lisa Janussen, K-33
Inaluk Rosing Petersen, B-67
Dorthe Malakiassen Zeeb, UB-68
Kingoraartissamaatit:
Maria Thygesen, Disko-76
Najaaraq Mørch, NÛK