Arnat ajugaaniutivinnissaat piariilerpoq
Ilulissani assammik arsarluni nunatsinni pissartanngorniunnermi BankNordik GM-imi GSS SAK-llu ajugaaniutivissagunarput
Assammik arsarluni nunatsinni pissartanngorniunneq BankNordik GM qiteqqutereersimalerpoq. Angusallu naapertorlugit siorna ajugaaniutivittut aamma ukioq manna ajugaaniutivissagunarput, tassalu GSS aamma NÛK.
Illoqarfimmioqatigiit NÛK aamma GSS unammigamik aallaqqaammut naligiikkaluarput. NÛK-p unamminermi kigaallassaanini iluatsippaa. Unamminerup immikkoortuani siullermi ikittuinnarnik ajuuttoqarpoq, GSS 8-7-nik siuttuulluni. Muminnerup kingorna NÛk nukeeruppoq, GSS-ermiullu inuusuttut sukkatsipput, tamannalu isertitsinerpassuarnik kinguneqarpoq. GSS 25-15-mik ajugaavoq.
Unammilluarnerpaavoq Rina Møller Lorentzen, GSS’p måliniittua.
Læs også "Spændende og jævnbyrdigt"
Læs også "Suveræne sejre hos damerne"
Ullormi tassani unamminerup aappaani SAK tupaallannartumik Nagdlúnguamut unamminermini ajornartorsiorpoq. Sisimiuniit arnat ingerlallualersinnaanngillat, tassani peqqutaalluni Nagdlúnguamit assersuilluarneq. Qasujaassuseq ilungersornerlu aalajangiisuupput. SAK sukataalerpoq 29-20-millu ajugaalluni, mumilernermi 13-9-mik inissisimareerlutik. Unammilluarnerpaavoq Mia Pilemand, Nagdlúnguak.
Ullut pingajussaani arnani angusat:
GSS – NÛK 25-15 (8-7)
SAK – Nagdlúnguak 29-20 (13-9)
Inissisimaneq:
SAK; 3 89-60 6 point
GSS; 2 66-32 4 point
N 48; 3 61-92 2 point
I 69; 2 46-56 0 point
NÛK; 2 31-53 0 point