Assakaasulinnik sisoraaserluni VM-imut
Langrendertartut aasap kiatseruttornerani ukiuunerani unammisarnissanut piareersarput.
Assammik arsarluni VM-it pileruttorpaat isikkamillu arsarluni GM-ertoqalerluni, timersortartulli ilaat ukiuunerani apinissaanut piareersalereerput.
Tassalu nunatsinni langrendertartut pitsaanersaat unammisarnissaminnut piareersartut.
Langrendertartut aasaanerani sisoraataasat assakaasullit atorlugit aqqusinertigut asfaltilitsigut sungiusarumasut pilerisaarummik tunineqarsimagamik.
Inuusuttut unammisartut inersimanerusut U-23-illu unamminissaannut, qularnanngitsumik Tysklandimi ingerlanneqartussanmut, peqataasinnaannngortinneqarsimapput, aammalu martsimi Arctic Winter Gamesimi Canadami pisussami peqataasinnaassallutik.
–Langrendertartut pikkorinnerit Sisimiuni aasaanerani sungiusartinneqaqqammerput, Kalaallit Nunaanni Sisorartartut Kattuffiata Langrendernermut ataatsimiititaliaata siulittaasua Ole Lynge Hansen taama Sermitsiamut oqaluttuarpoq.
Inuusuttut unammisartut marluk Karl Peter Kristensenikkut Aqqaluartaa Olsenilu asfaltikkut sungiusaqatigiinnissamik aaqqissuussisuusimapput.
Sungiusaasuuneq Ida Madsen Ilulissaneersoq timikkut teknikikkullu sungiusarnermik isumaginnittuuvoq: Asimi nukittorsernermik aqqusinertigullu assakaasullit atorlugit sisorarnermik.
Sammisaq pillugu Sermitsiaq normu 32. atuaruk.