Assammik arsaanneq: Nunatsinnit VM-imi unammisussat aajuku
Assammik arsaalluni arnani nunanut allanut unammisartunut sungiusaasoqatigiit unammiartussanik 16-inik toqqaaqqammerput. Taakku VM-imut anngunniunnissami, Nuummi ingerlanneqartussami peqataassapput.
Arnat assammik arsaattartut VM-imut anngunniunniuttussat inissinneqarput. Anngunniunnerit nunatsinni ingerlanneqassapput.
Timersoqatigiiffiit Assammik Arsaattartut Kattuffiat, tusagassiorfinnut nalunaarutimini ilisimatitsivoq nunanut allanut unammisartunut sungiusaasoqatigiit unammisartussanik toqqaaqqammersut.
Nunanut allanut unammisartussat 16-it toqqarnissaat oqittuinnaasimanngilaq.
- Arsaattussanik toqqaanngitsoortoqassatillugu ajornartuaannartuuvoq sungiusaasutut, assammik arsaannerulli tamanna ilagiinnarpaa. Arsaattartut sungiusaasullu nunanut allanut unammisartuunermut tamanna ilaasoq ilisimavaat, TAAK allappoq.
Uku toqqarneqarput:
- Rina Møller Lorentzen
- Nivi Fly
- Ane-Sofiannguaq Frederiksen
- Nuunu Marie Lukassen
- Anja Heilmann
- Ivaana Holm
- Ivâna Meincke
- Aili Paneeraq Pedersen
- Sascha Jordening Zeeb
- Andrea Heilmann
- Ivalu Bjerge
- Najaaja Anja. Lyberth
- Josefine Gadgaard
- Nivi J. Petersen
- Panu P. Grønvold
- Ajaaja Silasen
Anngunniunnerit junimi ingerlanneqassasut
VM-imut anngunniunnerit qaammatit marluk iluanni aallartinneqassapput. Inussivik junip tallimaaniit unammiffiussaaq, ajugaasullu novemberimi VM-imut billetsinnassallutik.
- Suliassat kingulliit inississuunneqassapput, arsaattussallu tamarmik nalunngilaat suliassartik sunaasoq. Erfalasorput pillugu nammineq unammisarfimminni sukataarnissaminnut qilanaarput, TAAK allappoq.
Anders Friis nunanut allanut unammisartunut sungiusaasuuvoq, Kim O. Petersen sungiusaasumut ikiortaalluni. Jens Steffensen holdimi aqutsisuuvoq, Berit Duusilu pillorissaasuulluni.