Assit takukkit: Timersornermut peqqissutsimullu tunngatillugu maligassiuisunik nersuisoqarpoq
Timersornikkut peqqissutsimullu tunngatillugu aallussilluartut maligassiuisullu arfininngormat nersorneqarput.
Timersornikkut aallussisunut nersuisoqarpoq arfininngormat.
Nalunaaqutaq 20.00 Maria Motzfeldt aamma Hans Jukku Noahsen Katuami unnussiuaartitsinermut tikilluaqqusipput. Katuami billetisisoqarsinnaavoq, nunalu tamakkerlugu malunnartitsinermi aliikkusersuinermillu peqataanissaq periarfissaalluni malunnartitsineq KNR-ikkut toqqaannartumik aallakaatinneqartussaammat. Paarisap, Kalaallit Nunaanni Timersoqatigiit Kattuffiata aamma Elite Sport Greenlandip timersornermi aamma peqqissutsimi ilungersuussilluartut maligassiuisullu Katuami Maligassiuisut Show-imi nersorniarneqarput.
Nuna tamakkerlugu malunnartitsinermi aliikkusersuinermillu malunnartitsineq KNR-ikkut toqqaannartumik aallakaatinneqarpoq.
Nersornaasiinermi nipilersornermik aliikkusersuisoqassallunilu nuannersunik saqqummiussisoqarpoq.
Pisoqatigiisitsisartunut nersorinninneq
Sisoraaserluni ooqattaasartartoq Ukaleq Slettemark marloriarluni nersorniarneqarpoq. Nuummiinnginnera pissutaalluni ajaata nersornaatit tiguai.
Pisoqatigiissitsinermik aallarnisaasoq ’Gå væk kræft’-imik ingerlatsisoq Jan Erik Pedersen nersornaammik Aalasamik nersorneqarpoq. Aalasa nersornaat suliniummut takorluukkamut: Nunarsuarmi timimik aalatitsinerpaamut, ikorfartuilluartumut tunniunneqarpoq.
Nuup avataani soorlu Kangerlussuarmi Sisimiuni og Qeqertarsuarmilu pisoqatigiissitsinermik aaqqissuisarpoq.
Ataqatigiinnerulernissaq aalanermillu siunnertaqartumik aaqqissuisoqartalernissaa unnummi oqariartuutigineqarpoq.
Nersorneqartut tasssaapput...
Isumaginninnermut Aqutsisoqarfiup immikkoortortaata Paarisap nersornaassiissutaa: Ukioq manna ataatsimoorfimmi eqeersimaartitsinermut nersornaat Atuarfik Hans Lynge-mut tunniunneqarpoq.
Timersullammammik nersornaat Ukaleq Slettemarkimut, NSP/Nuuk Biathlon, tunniunneqarpoq.
Ukioq manna sungiusaasuullammammut aamma Ukioq manna aqutsisuullammammutnersornaatit Jens Thorinimut, UB-68, aamma Line Poulsen, Nuuk Gymnastikimut tunniuneqarput.
Elite Sport Greenlandip Grønlandsbanken, Tusass, Royal Arctic Line aamma Sparinvest suleqatigalugit Ukioq manna timersornermi takutitsilluarnerpaamik aamma Ukioq manna piukkunnaatilinnik ineriartortitsilluarnerpaamik nersornaasiisoqarpoq.
Ukioq manna timersornermi takutitsilluarnerpaamik nersornaat Ukaleq Slettemarkimut tunniunneqarpoq.
Ukioq manna piukkunnaatilinnik ineriartortitsilluarnerpaamik nersornaat Iluliarmiunut N-48-mut tunniunneqarpoq.