Avannaani timersortartut nersorneqartut
Avannaata Kommunia Ilulissani, Upernavimmi, Uummannami Qaanaamilu timersortartunut nersornaasiivoq.
Timersortartut kajumissutsiminnillu suleqataasut arlallit Avannaata Kommunianit nersornaaserneqarsimapput.
Ukiut tamaasa kommunip timersornerup silarsuaa kajumissutsiminnillu sulisut amerlasuut meeqqat inersimasullu ataqatigiilluarnissaannik qulakkeerisut nersortarpai.
Suliniuteqarnissinnut annertuumut Avannaata Kommunia sinnerlugu inuuffigiuminarsaaqataanissinnut qujanaq, kommuni nittartakkamini allappoq.
Illoqarfiup innuttai piukkussanik innersuussinikuupput Ukiup Timersullammaanut illoqarfinnilu innuttaasut unnussiuaaqatigiinnissamut nuannersumut qaaqquneqartarput timersornerup aqqani nalliuttorsiornermut, kommune Ilulissani, Upernavimmi, Uummannammi aammalu Qaanaami aaqqissuussisimasoq, allappoq.
Uummannami nersornaaserneqartut:
- 2023-mi timersullammak Pavia Nielsen.
- 2023-mi neriunaatilik Felix A. Nielsen
- 2023-mi Ukiup iligiivi Qajaq Uummannaq
- 2023-mi sungiusaasoq Jens Thorin
Ilulissani nersornaaserneqartut:
- 2023-mi Sungiusaasutsialak — Suulut Geisler
- 2023-mi Ukiup iligiivi – Qajaq Ilulissani ilaasortat tamarmik
- 2023-mi Neriunaatilimmut kajumissaat — Sikkerninnguaq Cortsen
- 2023-mi Ataqqinaammik nersornaat — John Davidsen
- 2023-mi Peqatigiiffilerillammak — I-69-imi siulersuisut
- 2023-mi Timersullammattut toqqagaasoq — Niklas T. Johansen