AWG-mi kiak uumisaarivoq
Arctic Winter Games-erfissami Grand Prairie-mi qulit sinnerlugit kiappoq. Web-tv takuuk.
Kalaallit timersortartut Grand Prairiemut Albertamiittumut apuulluarput tassanilu Arctic Winter Games aallartissaaq sapaat 7. marts. Kalaallit timersoriat Grand Prairie-mut tikipput tallimanngorneq martsip tallimaat Air Greenlandip timmisartorsuanut Kunuunnguamut ilaallutik. Oqaatigineqarpoq aatsaavissuaq nunamit allamiit Grand Prairiep mittarfianut timmisartumik tikittoqartoq.
Maannali kiassuaq uumisaarilerpoq qulit sinnertarlugit kiammat. Sisoraatinik unamminissat tamatuma akornuseratarsinnaavai.
– Qujanartumik sisoraatinik oqilaniuffissaq orpiit akornanniippoq aput seqinermit taamaasilluni alanngisimatinneqarluni. Taamaanngippat ajornartorsiut annertunerusimassagaluarpoq, taama Sermitsiaq.ag-mut oqarpoq samet angalasuni pisortaat Aslak Antti Paltto.
Kalaalli sisorartartut arfininngornermi sisorarfissaminni sungiusarput. Aaqqissuisut Sermitsiaq.ag-mut nalunaarutigaat qangatoortumut klassisk stil-imut illiniliorsimanatik aput saappallaarmat. Sulili aputigippoq ullullu tulliit pueqqortiimissalluni silassarlu malillugu nittaassamaarpaluppoq
WEB-TV TAKUUK: AWG-mi kiassuaq
Sapaammi ammaanersiortoqarlunilu unamminerit aallartissapput. Arctic Winter Games pillugu timersoqatigiit kattuffiata GIF-ip paasissutissiissutaa aasinnaavat. Tassani ilaatigut qimerloorsinnaavat unamminissat tulleriiaarnerat aammalu peqataasussat atii.
AAJUK: AWG pillugu paasissutissat