AWG-mi ujaminnattaat
Kalaallit Nunaanniit Arctic Winter Gamesini ujaminnattaat katillugit tassaapput guutit sisamat, sølvit arfineq marluk bronzellu sisamat.
Pingasunngormat nerrivimmi arsaararnermi doublemi ajugaaniutivittoqarpoq, nunatsinniillu sølvit pingasut bonzelu ataaseq ujaminnattaarineqarput.
Sølvinnapput juniorini angajulerni Anders Jensen aamma Liilu Kleist. Juniorit nukarliit Karl Wille aamma Siverth Olsen aamma sølvinnapput, aamma taamatut Maren Jensen aamma Maaliaanna Wille juniorini inuusunnerni.
Juniorini angajulerni bronzennappput Soralu Lorentzen Abelone Petersenilu.
Freestyle
Aamma freestylemi sisorarluni unammisoqarpoq, pingasunngormallu unammissutaavoq halfpibe. Emil Olsen nunatsinnersoq tassani bronzennappoq, Malik Berthelsen nr. 6-inngorluni Bastian Nystrupilu nr. 10-ngorluni.
Alpin
Alpinimi sisorartartut ujaminnattut akornanniinngillat, pingasunngormat slalomimi unammisoqarmat.
Mark Højgaard juniorini angajullerni nr. 7-inngorpoq, Ole Minik Løvstrøm nr. 8, Aqqalunnguaq Lyberthilu nr. 9.
Benjamin K. Hammeken juniorini nukarlerni nr. 7-inngorpoq.
Nuunu C. Berthelsen juniorini nukarlerni nr. 7-inngorpoq, Nukannguaq Berthelsen nr. 8-ngorluni, Paninnguaq Josefsen nr. 12-inngortoq.
Volleyball
Volleyballimi nivissat nr. 5-itut inissipput Nordvestterritoriamut 2-0 ajugaareerlutik, Alaskamulli 0-2-mik ajorsarlutik. Nivissat volleyballertartut kingullermik nr. 4-atut inissipput, ukioq mannalu peqataasunit arfiniliusunit nr. 5-itut inissillutik.
Volleyballimi nukappissat Nunavumut 0-2-mik ajorsarput taamaalillutik peqataasunit tallimaasunit nr. 5-itut inissillutik.