B-67 siuttuuvoq
Illup iluani arsaalluni unammiuaarnermi rundit pingasut ingalanneqareersut angutit arsartartut siuttuupput.
Aasaq kuultinnassimanertik B-67-ermiut naammaginngilaat. NFF ligami- illoqarfiit pingaarnersaanni illup iluani unammiuaarnermi rundit arfineq-pingasut atorlugit juullip tungaanut ingerlasussami - rundit pingajussaat naammasseqqammerpoq.
B-67-ip førsteholdii rundimi kingullermi ajugaapput, ataasiarlutik naligiiginnareerlutik marloriarlutillu ajugaareerlutik.
NFF liga divisioninut marlunnut avillugu ingerlanneqarpoq tamarmik sisamanik holdilinnik. Rundit ingerlannereernerisa tamaasa 1. divisionimi kingullinngortut appariartarput, 2. divisionimilu siuttut qaffariartarlutik. Naggataatigut holdi amerlanerpaanik pointilik unammiuaarnermi ajugaassaaq.
2. divisionimiut appariarput NÛK hold 1. 1. divisonimut qaffariarput IT-79, maanna 1. divisonimi marlunnik holdeqaqqilersoq.
Rundit pingasut ingerlanneqareersut B-67-ip 1. holdia siuttuuvoq. Nr. 2-uvoq FC Tuttu. Nr. 3-uvoq IT-79 2. Nr. 4-aavoq IT-79 1. Nr. 5-iuvoq NÛK 1. Nr. 6-iuvoq NÛK 2. Nr. 7-iuvoq B-67 2. Nr. 8-voq FC Tuttu 2.
Rundi tulleq ingerlanneqassaaq novembarip 21-ianni nal. 14 Nuup Timersortarfissuani.