Brasiliami assammik arsarluni VM
Danskit assammik arsarlutik unammisartuisa arfininngorpat puljeminni unammineq siulleq Uruguay-imut unammissavaat, Brasialiami nunarsuaq tamakkerlugu pissartanngorniunnermi
VM arnat assammik arsarlutik unamminissaat aqagu aallartissaaq. Anngunniunnermi Danmarkip puljeqatini Uruguay naapissavaa. Argentina, Kroatia, Elfenbenskysten aamma Sverige aamma puljeqatigigai.
Anngunniulluni unamminerit siulliit tallimat Säo Paulo'p eqqaani Säo Bernardo do Campo'mi ingerlanneqassapput.
Amerikami kujallermeersut holdit marluk Uruguay aamma Argentina kalaallit siutaasa tusartareerpaat, Kalaallit Nunaannit unammisartutta Panamerikamiut pissartanngorniunneranni arlaleriarlugit unammisareerpaat.
Danskit nunanut allanut unammisartui qaammatini kingullerni ajutoornernit eqqorneqartarput, arsartartut pingaaruteqarluartut ajoraluartumik nunanut allanut unammiartoqataajunnaarnerannik kingunilimmik.
Nuna tamakkerlugu sungiusaasup Jan Pytlickip danskit neriulluarnerigaluat annikinnerulersoq oqaatigaa, pitsaanerpaat arfineq-marluk akornanniikkunik akuerineqarsinnaanerarlugu.
Unamminerit KNR-TV'kkut aallakaatinneqassapput.