EM-imut anngunniunneq
Danmarki iluatsitsivoq
Qallunaat arsaattartui unammisarfimminni Armenien 2-1-imik ajugaaffigaat taamaasillutillu EM-imut anngunniunnermi aallartilluarlutik
Qallunaat arsaalluni nunanut allanut unammisartuisa sapaatiummat Armenien EM-imut anngunniulluni unamminermi siullermi unammisarfimminni unammigamikku akiniutissaqarput. Qaammatit 15-it matuma siornatigut Danmarki unammisarfimmini Armeniamut 0-4-mik ajorsarpoq. Kingorna qallunaat pakatsinartumik aasaq VM-eqarneranut Brasiliami ingerlanneqartumut anngutinngitsoorput.
Tallimanngormallu Telia Parkenimi ajornartorsioraluarlutik qallunaat Armenien 2-1-imik ajugaaffigaat, 0-1-imik kinguarsimareersimallutik.
Isertinneqartoq Thomas Kahlenberg minutsit 80-it ingerlareersut aalajangiisuusumik 2-1-imut isertitsivoq, saassussilluareerlutik siukkaaqammi Nicklas Bendtnerip qeqqanuugaa torrallavillugu niaqormillugu isertikkamiuk.
Tamanna sioqqullugu Pierre-Emile Højbjerg minutsit 65-it ingerlareersut ungasissumit 1-1-imut isertitsivoq.
Danmark oktobarip 11-anni unammeqqissaaq, Albanien unammisarfiani unammissallugu. Ullut pingasut qaangiuttut Københavnimi Portugal unammissavaat.