Isikkamik arsaalluni VM
Danmarkip VM-imi Frankrig, Peru aamma Australia unammissavaat
Danmarkip Frankrig, Peru aamma Australia unammisussanngorpaat. Danske Spil-illu Danmark Frankrigilu gruppimiit ingerlaqqittussatut ilimagaat.
VM-imi isertitaqarnerpaasimasoq massakkullu BBC-mi oqaaseqartartoq, Gary Lineker, makitsisuuvoq.
Danmarkip Peru siullermik unammissavaat, Frankrigilu kingusinnerusukkut unammissallugu.
Pulje B ilungersunartussaasoq paasineqareerpoq, tassani Portugal aamma Spania inissisimapput.
- Gruppe A: Rusland, Uruguay, Egypten, Saudi Arabien
- Gruppe B: Portugal, Spanien, Iran, Marokko
- Gruppe C: Frankrig, Peru, Danmark, Australien
- Gruppe D: Argentina, Kroatien, Island, Nigeria
- Gruppe E: Brasilien, Schweiz, Costa Rica, Serbien
- Gruppe F: Tyskland, Mexico, Sverige, Sydkorea
- Gruppe G: England, Belgien, Tunesien, Panama
- Gruppe H: Polen, Colombia, Senegal, Japan
Danske Spil-p odds-ii qiviaraanni, Åge Hareidep unammisartui 1/8 finalinut ingerlariaqqinnissaat ilimaanteqarluarpoq. Danmarkimi gruppimiit ingerlaqqinnissaat, Danske Spil-p 1,75-imik odds-ilerneqarsimavoq. VM-ertoqarneranilu Danmarki gruppikkaarnermi peersitaanissaat 2,05-mik odds-ilerneqarsimavoq.
- Makitsineq, Danmarkip naammagisimaarluinnarsinnaavaa. Oqaatigilluaannarlugu Danmarkimut makitsineq sinnattuinnangajaalluni, Peter Emmike, Danske Spil-imi odds-inut akisussaasoq oqarpoq, nangillunilu:
- Siumut inissinneqareersimasuni unammilluarneqarsinnaasumik makitsinissaq pingaaruteqarsimavoq, Peru-li unammilluarneqarsinnaasoq isumaqarpugut, Peter Emmike oqarpoq.
Danmarkip unammersuarnerni Amerika Kujallerminngaanneersut Peru unammisussaassavaat, taakkuli aappaattut siumut inissinneqareersimasuni sanngiinnerpaatut amerlasuunit oqaatigineqareersimapput.
- Unamminermi siullermi Peru unamminissaa soorunami pignaaruteqarluinnartuuvoq. Gruppimi aappaattut inissinniuunnissamut unammillertiginersaavagut.
- Franskit siullertut inissinnissaat naatsorsuutigaarput, aappaattallu inissinniutissallutik Danmark aamma Peru. Danmarkip Peru ajorsartissinnaalluarpaa, Peter Emmike nangilluni oqarpoq.
Danmark Peru-mut unammileruni ajugaanissaanut odds-ia 2,20-ivuoq Peru-llu ajugaanissaanut odds 3,50-iulluni.
VM 14. juni ammaanersiorlugu aallartinneqassaaq, pissartanngorniutivinnerlu Moskvami 15. juli ingerlanneqassalluni.