Dorisip aallartitaq taekwondomik eqqartueqatigivaa
Doris Jakobsenip nunatta Taiwanillu taekwondomik kattuffiissa paarlaasseqatigiittarnissaat sulissutiginiarpaa
Sapaatit akunnerata tulliani Siumumiit Folketingimut ilaasortaq Doris Jakobsen Folketingimi nunanut allanut ataatsimiititaliaq peqatigalugu Kinaliassaaq. Tamannalu piareersarniarlugu Taiwanimiut aallartitaat Clark Chen ataatsimeeqatigaa.
- Ataatsimiinenrput pitsaasumik ingerlasoq nuannaarutigeqaara tassani Kinap Taiwanillu imminnut atassuteqarnerat pillugu paasitinneqalrunga, Kinamut aallannginninni, Doris Jakobsen tusagassiuutitigut nalunaarummi allappoq.
Naallu Issittup nunatsinnilu aatsitassat soqutigineqaleriartortut pillugit aamma oqaloqatigiikkaluarluta allarluinnaq aamma eqqartoenqarpoq, Doris Jakobsenip nuannareqisaanik:
- Pissangaginerpaavara taakku nunattalu taekwondomik kattuffiisa suleqatigiinnissaminnut periarfissaat eqqartussallugit, soorlu tikeraaqqaatigiittarlutik, Doris Jakobsen oqarpoq.
- Taamaallaat isumassatsialaannginnissaa sulissutigissavara.