FH aamma GSS finaliinnaleqaat
Arfininngornermi semifinalit marluk ingerlanneqarmata naatsorsuutigisatut islandimiut FH, Nunatsinni pissartat GSS ajugaaffigai
Islandimiut FH tallimanngornermi NÛK'mut unamminerminni ajornartorsiorput. Arfininngornermi ualikkut anngunniullutik naapeqqipput - unammineq aallartimmat islandimiut holdii qiimmallutillu piumassuseqarluarput.
FH tamatumuuna ulorianartorsiorumanatik dommeri siggarniariartoq sukataarnerat malunnarluni. Taamaammat unamminerup nikinnerani 15-9'mik siuaqqapput. Unamminerup immikkoortuata aappaani holdit assigiinngissusaat malunniulluarpoq - NÛK susinnaajunnaartitaangajappoq.
Unamminerup immikkoortuata aappaani NÛK tallimaannarnik isertitsivoq, FH pingasoriaataannik isertitsimmat - unamminermi FH 30-14'inik ajugaapput. Taamaasilluni FH Faxe Kondi Cup finalimut piareerpoq, NÛK bronzennanngiuttussanngortoq.
FH'p arsartartui tamangajammik målerpassuarnik isaatitsipput, taamaattorli Hind Hannesdottir tallimaraarluni isertitsinerpaajuvoq. NÛK isertitsinerpaajuvoq Ruth Kreutzmann, sisamariarluni målerami.
GSS finalimut anngunniarluni ilungersorpoq
Anngunniulluni unamminerp aappaa GSS aamma Illoqarfimmiut akornanni ingerlanneqartoq pissanganarneruvoq. Illoqarfimmiut sinerissamit Danmarkimiillu peqaaffigineqarpoq. Unamminerup immikkoortuani siullermi holdit imminnut naliinnarput, taamaattoq GSS nikinnerani 14-11'nik siuaqqavoq.
Unamminerup immikkoortuata aappaani naligiinnerat taamaaginnarpoq, GSS'ili siuarsimalaaginnaavippoq. Unammineq naammassimmat GSS 30-24'nik ajugaavoq taamaasillunilu islandimiut holdiat FH pissartanngorniutivinnermi naapissavaa. Illoqarfimmiut NÛK'lu bronzennanniutissapput, anngunniulluni unamminermi NÛK 25-26'mik ajorsarnini allanngortinniarsinnaallugu.
Panu Grønvold, GSS arfineq-pingasunik isertitsivoq, mens Aili Pedersen Illoqarfimmiut ilaasoq arfinilinnik isertitsisoq.
Holdit inissisimanerat inernerillu uani takukkit