FHK Elite unamminermi pingaarutilimmi ajugaavoq
FHK Elite, Fredericia-meersoq, GOG-mi unammisartuusimasunik Minik Dahl Høeghimik Peter Henriksenimillu unammisartulik Jack & Jones Ligaen-imi ajornikuni TMS Ringsted-imut 22 - 19-imik ajugaavoq.
FHK Elite-p TMS Ringstedillu unammineranni holdit marluullutik asserluilluarput, FHK Elite-llu målmandia, nunanut allanut unammisartuusimasoq Peter Henriksen annaasilluaqattaavippoq. Minutsit 17-it ingerlareersut TMS Ringstedip Peter Henriksen pingasoriaannarlutik isertitsiffigaat.
FHK Elite muminnermi 10 - 8-mik siuarsimavoq. Minik Dahl Høegh isertitseriallaqqissutsini takutilaartarpaa marlunnillu isertitsilluni, TMS Ringstedip assersuisui Minimmut qaangeruminaakkaluartut.
FHK Elite maanna appariarnaveersaartussanngorpoq assammik arsartartuni kakkannerniiginnarniarluni. Unammisassat tulliit ilagaat Faaborg HK, kalaallinik marlunnik nunanut allanut unammisartunik, Jakob Larsenimik Aqqaluk Sørensenimillu unammisartulik. Taakkua marluullutik unammineq isiginnaarpaat Faaborg HK-p sungiusaasua Thomas Ørneborg peqatigalugu.
Kalaallit nunanut allanut unammisartut pingasut Minik Dahl Høegh, Aqqaluk Sørensen aamma Jakob Larsen pingasunngorpat apriilip 14-ianni Fredericia-mut uteriissapput, tassa kalaallit nunanut allanut unammisartut FHK Elite sungiusaammik unammissammassuk.