Frederik Lundblad ajugaalluaqisoq
Sisorartartut peqatigiiffiata NSP-p ukioq manna ukiuunerani unammiuaarnerit aallartippai.
Frederik Lundblad malitsiminit qaninnerpaamit Stig Brahe Sørensenimit 2 minutsit sinnerlugit sukkaneruvoq, sisorartartut peqatigiiffiata NSP arfininngormat januarip 5-ianni Cup-imi unammiuaarneqw ingerlammagu, tassani angutini 30-it peqataallutik, inersimasut oldboysillu.
Angutit fristilimi 10 kilometerinut oqilaniupput, Frederik Lundbladillu taanna ingerlavaa 27,35 minutsit atorlugit, Stig Brahe Sørensenip atorsimagai 28,58 minutsit, klubbillu siulittaasua Poul Petersen nr. 3-ngorpoq atorsimallugit 28.11 minutsit.
Oldboysini, aamma 10 kilometerinut oqilaniuttuni, Kim Godtfredsen sukkanersaavoq atorsimallugit 27,15 minutsit , Uju Petersen tullersortaalluni 30,30 minutsit atorai unammisartutoqarlu Hans Lars Jørgensen nr. 3-ngorpoq atorlugit 30,36 minutsit.
Arnat inersimasut
Arnani inersimasuni, aamma fristilimi 10 kilometerinut oqilaniuttuni, Marie Lundblad sukkanersaavoq. Taassuma atorsimavai 39,04 minutsit, Najaaraq Mørchip tullersortaalluni 39,38 minutsit atorai, nr. 3-ngorpordlu Lisa Christiansen atorlugit 41,14 minutsit.
NSP-p januarip 5-ianni Cupimi unammisitsinerani angusat tamaasa takusinnaavatit talerperleq toorlugu.