Futsalimi arnat nunanut allanut unammisartut ajugaarujussuartut
Futsalimi arnat nunanut allanut unammisartut Danmarkimiipput sungiusaatigalugulu unamminernik arlalinnik ingerlataqarnerminni sukataarluinnarlutik.
Arnat Danmarkimi sungiusaatigalugu unammisaqattaarnerat ingerlalluarsimavoq. Arnat Danmarkim inuusuttut futsalimi unammisartut pikkorinnerpaartaasa ilaannut marlunnut ajugaarujussuarput.
Sisamanngormat B93-imi inuusuttunut unammisartunut 11-1-imik ajugaapput, tallimanngormallu Solrød FC-mut aamma ajugaallutik.
Unamminermi siullermi målmandi Kristine Nielsen unamminermi arsaalluarnerpaatut toqqarneqarpoq.
Arnat arfininngornermi unammissanngillat sapaammili unammeqqissallutik. K.A.K. unamminerminik Facebook aqqutigalugu toqqaannartumik aallakaatitsissaaq.
Arnat nunanut allanut unammisartut februaarip 14-ianni aallarput Danmarkimiissallutillu ataasinngornerup februaarip 21-ata tungaanut. Nunatsinni futsalimi arnanut nunanut allanut unammisartut siullermeerlutik Danmarkiliarput sungiusaatigalugu unammisaqattaariarlutik.
Unamminerit K.A.K-p facebookiani isiginnaakkit.