håndbold
GHF siulersuisunik nutaanik toqqaaqqissaaq
Kalaallit Nunaanni Assammik Arsartartut Kattuffianni, GHF-imi, immikkut ittumik ataatsimeersuassaaq
GHF-ip siulersuisuini sinniisussaarussimavoq siulersuisullu aamma tamakkiisuunngillat. Taamaattumik immikkut ittumik ataatsimeersuartitsisoqassaaq, taannalu telefonikkut ingerlanneqassaaq.
GHF ukiup affaata ingerlanerani aappassaa immikkut ittumik ataatsimeersuassaaq. Tassani sinniisunik siulersuisunullu ilaasortamik ataatsimik qinersisoqassaaq.
Atuaruk: GHF-ip siulersuisortaavi
GHF apriilimi immikkut ittumik ataatsimeersuarpoq. Siulersuisulli arlallit juunimi piumassutsiminnik tunuarput, siulersuisuni suleriaatsimut akerliullutik. Juulip ulluisa aappaanni immikkut ittumik ataatsimeersuarnermi siulersuisunik nutaanik toqqaasoqarpoq, maannalu novembarip 15-ianni siulersuisunik nutaanik toqqaasoqaqqissaaq.
Aningaasaateqanngilaq
– Katersorluta immikkut ittumik ataatsimeersuarnissatsinnut akissaqanngilagut. Taamaattumik telefonikkut ataatsimeersuassaagut. Malittarisassat malittussaavagut, siulersuisullu tamakkiisuujunnaarpata immikkut ittumik ataatsimeersuartitsisussaavugut. Siulersuisut arineq-marlunnik ilaasortaqassapput, ullumikkullu siulersuisunut ilaasortat ariniliinnaapput. Aamma sinniisussaarussimavugut, GHF-ip siulittaasua Nuka Berthelsen Sermitsiaq.AG-mut oqarpoq.
Atuaruk: Assammik arsaattartuni pissaaneqarniunneq
GH aningaasassaaleqivoq. Kattuffik maanna ingerlatseqqalaaginnarpoq.
– Kattuiup aningaasaqarnera immikkut ittumik ataatsimeersuarnermi aamma eqqartorneqassaaq, Nuka Berthelsen oqarpoq.