GOG ajugaaqqippoq
Vejle Håndbold-ip arsarluartorujussuarmik Akutaaneq Kreutzmannimik unammisullip sisamanngormat unnukkut GOG-p ajugaasaqattaarnera unitsissinnaanngilaa
Pisarnertut unammineq pissanganarlurpoq Vejle Håndbold aamma GOG qallunaat 1. division-ianni unammimmata. GOG 24-22-mik ajugaavoq.
GOG-ip unammineq tamangajaat aquppaa. Unamminerup naajartulernerani holdi ajuunnernik sisamanik siuarsimavoq. Vejle Håndbold minutsini kingullermi angusaavoq, saassusseqattaarluariaramillu GOG-p siuarsimanera målimik ataasiinnarmik inuleraluarpaat, GOG-ili unamminermi pissanganartumi sekundini kingullerni sukkasuumik marlunnik isertitsivoq ajugaallunilu.
Kalaallit nunanut allanut unammisartut, Vejle Håndboldimi unammisartoq Akutaaneq Kreutzmann aamma GOG-imi unammisartoq Minik Dahl Høegh unammineq tamaat unammeqataapput.
Akutaaneq Kreutzmann GOG-ip illersuisui tamaviaartittuarpai arfinilinnillu isertitsilluni. Minik Dahl Høegh pingasunik isertitsivoq.
Angutit nukittuut
Ajorsaraluarluni Akutaaneq Kreutzmannip unammineq naammagisimaarpaa, namminerlu unamminini naammagisimaarluarlugu.
- Unammineq sakkortoqaaq, taamaattuaannarporli GOG unammigaangatsigu. Assersuisui angutit nukittuujupput sumilluunniit tunniussineq ajortut.
GOG 1. divisionimi siuttuuvgoq Vejle Håndboldilu normu 6-iulluni.