GOG akiniaavoq
Sæsonimi kingullermi Team Tvis Holstebromut unamminerni marlunni aalajangiisuusuni ajorsarpoq. Siullermik pokalinnanniulluni finalimi aappassaanillu sæsonimi unamminermi kingullermi GOG-p bronze Holstebromut annaavaa.
Arfininngormat unammineranni takujuminaappoq holdit taakkua marluk naapeqqittut. GOG unamminerup ingerlarngani tamani kakkanneruvoq qularnaatsumillu 33 - 27-imik ajugaalluni, muminnermi 16 - 12-imik siuaqqasimalluni.
GOG-imi Jakob Larsen unammineq tamangajaat unammeqataavoq. Saassussinermi backiulluni talerperleq. GOG-imi kalaaleq unammisartoq alla, Minik Dahl Høegh unamminerup immikkoortuata taappaani unammeqataavoq. Jakob Larsen ataatsimik isertitsivoq.
Ajugaaneq tunngavilerneqarpoq silatuumik qularnaatsumillu illersorluni assersuinermik, qallunaat målmandiat nunanut allanut unammisartoq Niklas Landin pingaarnerusutut inissisimalluni. Assersuilluarneq målmandillu annaassilluaqattaartarnera sæsoni manna GOG-imut ilisimarnaataasimapput.
- Unamminerup ilarujussua ingerlalluaqaagut. Sæsonimit kingullerminngarnit holdimi aaqqissuussaaneroqaagut. Unamminerup tullissaata qanoq ingerlanissaa takussallugu pissanganassaaq, Jakob Larsen unamminerup kingorna oqarpoq.
GOG unamminerit siulliit sisamat kingorna håndboldligami siuttuuvoq 8 pointeqarluni. Taamatuttaaq amerlatigisunik pointeqarpoq nr. 2-tut inissisimasoq Bjerringbro-Silkeborg. GOG-lli klubbit siuttut allat suli unammisimanngilai.
GOG Svendborg pingasunngorpat unammeqqeriissaaq. Unammisadrfimmini Gudmemi Viborg landspokalturneringimi kvartfinalimi unammissavaa.