DK-mi assammik arsarneq
GOG-ip KIF Kolding slutspilletimi unammissanngilaa
Minik Dahl Høegh, Jakob Larsen, Akutaaneq Kreutzmann aamma GOG Danmarkimi assammik arsarnermi unammiffiusumi arfineq aappaattut inissipput
GOG Bjerringbro-Silkeborg-imut unammivoq pingasunngormat, tassanilu GOG 22-20-mik ajorsarpoq.
Minik Dahl sipaarneqarami unammeqataarpianngilaq.
Håndboldligaenip naammassinerani pitsaanerit arfineq pingasut Danmarkimi pissartanngorniutissapput. Pulje 1-miissapput KIF Kolding København, Team Tvis Holstebro, Skjern aamma Århus Håndbold kiisalu pulje 2-miissallutik Aalborg Håndbold, Bjerringbro-Silkeborg, HC Midtjylland aamma GOG.
Arfinileriaq unammisoqareerpat semifinalertoqarumaarpoq.
GOG-p sungiusaasua isumalluarpoq.
- Taamatut inissinneq pitsaalluinnarpoq. Arfinileriarluta pissanganartunik unammisussanngorpugut. Naligiiffiungaatsiarnissaa takorloorsinnaavara, Jakob Larsen Sermitsiaq.AG-mut oqarpoq.
- Unali paasisissallugu pingaaruteqarpoq, normu 1-it 2-llu 2 pointeqarlutik aallartissapput, 3 aamma 4-t ataatsimik pointeqarlutik aallartissapput.
Minik Dahl Høegh aamma Akutaaneq Kreutzmann GOG-mut pingaarutilittut inissisimapput ukiumi matumani arsaaffiusumi.
GOG-mi Minik Dahl Høegh isertitsinerpaavoq 116-raarluni. Akutaaneq Kreutzmann isertitsinissanut tunniussivoq 58-eriarluni, GOG-milu tunioraallaqqinnerpaalluni.