GSS volleyballimi ajugaavoq

Arnani GSS1 hold 2-mut finalemi unammimmat inernerineqarpoq 3-0 (25-22, 25-15, 25-14).

Angutini GSS1 holdimut Nuummeersumut allamut, tassa PVN-imut, Polar Volley Nuussuaq-mut, unammigami 3-0-imik ajugaavoq (25-20, 25-19, 25-22)

Arnani bronzinnanniunnermi PVN Nuussuarmiit aamma AVI Maniitsumiit unammipput. Inernerineqarpoq 0-3 (16-25,16-25, 25-27), AVI ajugaalluni.

Angutini bronzinnanniunnermi AVI Maniitsumiit aamma KTVI Kangaamiuniit unammimmata inernerineqarpoq 3-1 (25-19, 24-26, 25-11, 25-14).

Unamminerit tamarmik Nuummi Inussuvimmi ingerlanneqarput, apriilip 5-aanni palmit sapaataanniit apriilip 9-aanni sisamanngorneq illernartup tungaanut.

Angutini klubbit peqasaasut:

1. GSS2, Nuuk

2. GSS1, Nuuk

3. KTVI, Kangaamiut

4. AVI, Maniitsoq

5. TVK, Tasiilaq

6. PVN, Nuussuaq.

Arnani klubbit peqataasut:

1. GSS2, Nuuk

2. GSS1, Nuuk

3. PVN, Nuussuaq

4. QVP, Qaqortoq

5. AVI, Maniitsoq

6. TVK, Tasiilaq.

Apriilip 10-ani, 11-iani 12-ianilu nunanut allanut unammisartut toqqarneqaqqammersut sungiusassapput.

Ullormi finalerfimmi assilisat takukkit uani.