Illoqarfimmi unammisaqattaarnermi naligiittut
NÛK aamma GSS assammik arsarnermi illoqarfimmi unammisaqattaarnermi angutini arnanilu naligiipput. Unamminissat kingulliit marluk kisimik amigaataallerput.
Nuummi unammisaqattaarnerni pingasunngormat unnukkut unammeqqittoqarpoq, taamalu unammisaqattaarfiusumi matumani kikkut illoqarfimmi pissartanngussanersut assut pissanganarsilluni, tassa NÛK GSS-ilu angutini arnanilu nikittaallutik ajugaasaqattaartaramik.
Karen Marie Kyed Meyer unamminerni siuliini qulit tikillugit isertitsisarsimasoq pingasunngormat unnukkut marloraaginnarpoq, NÛK GSS-imut 24-28-imik ajorsarmat. NÛK-mi iseritsinerpaavoq Stina Nielsen, sisamanik isertitsisoq, Andrea Andreassen GSS-imi qiimmassimaaqisoq quleriarluni isertitsisuuvoq.
NÛK-p angutaat GSS-imut 29-23-mik ajugaapput, Ingo Hansen NÛK-mi arfineq-pingasoraarluni isertitsinerpaajusoq GSS-imi isertitsinerpaajuvoq Miki Heilmann, aamma arfineq-pingasoraartoq.
Nuup illoqarfianni unammisaqattaarnermi unamminissat kingulliit marluk kiserngorupput. Holdit unamminerit kingullersaanni naligiiginnassappata unammisaqattaarnerit ilaneqassapput.