Inuit Timersuutaannik GM taamaatiinnarneqarpoq

Inuit Timersuutaannik nunatsinni pissartanngorniuttoqassanngilaq.

Unammissut airplane pikkusutsitsisarsinnaasrapoq. Sisimiormiut ajoraluartumik Inuit Timersuutaannik pissartanngorniunnernik takussanngillat taamaatiinnarneqarmat. Assi ukioq manna Albertami Arctic Winter Gameseqarneranit. Ass.: Sermitsiaq

netredaktion (netredaktion@sermitsiaq.ag)

Published 17 November 2010 - 05:30

Annonse

Inuit Timersuutaannik nunatsinni pissartanngorniunnissamik aaqqissuussisut pissartanngorniunnissaq, Sisimiuni ingerlanneqartussaq, taamaatiinnarpaat.

Pissartanngorniunnerup, siullermik kinguartinneqarsimagaluartup, taamaatiinnarneqarneranut pissutaavoq peqataaniarluni nalunaartukippallaarnera.

– Sinerissamit peqataaniarlutik nalunaartut ikippallaaqaat, klubbit arlallit peqataasussanik aallartitsinissaminnut akissaqanngimmata. Klubbit arlallit kommunini sipaarniuteqarnermik eqqorneqarsimapput, Helga Nielsen Arctic Sports-ineersoq oqarpoq.

Pissartanngorniunnissat taamaatiinnarneqaraluartut Inuit Timersuutaannik ingerlatsisoqassaaq. 24-iinnarnik ukiullip David Thomas, Alaskameersup, Tony Fisker, Ilulissaneersoq, siusinnerusukkut Arctic Winter Gamesimi inuusuttuni peqataasimasoq, ilagalugu illoqarfinnut arlalinnut angalassaaq. Inuusuttut timersortartut taakkua marluk illoqarfinni assigiinngitsuni sungiusartitsissapput klubbit eqeersarniarlugit.

Kalaallit Inuit Timersuutaannik, Inuit kinguaariinni arlalinni aalluttarsimasaannik, aallussisartut aasaru Alaskamut qaaqquneqarput.Tassani unammiuaartitsisarnerup "World of eskimo - indian olumpics"-ip ukiunik 50-inngortorsiornera nalliussineqassaaq.

timersoneq