Kalaallit Illuutaat Aalborgimiittoq: Arnat assammik arsartartut ilassikkit
Nunarput sinnerlugu arnat assammik arsarlutik nunanut allanut qunusueqalutik unammisartut sapaatiuppat qasuersaarfissartik atussavaat Kalaallit Illuutaat Aalborgimiittoq pulaarlugu.
Sapaatiuppat piffissami ualikkut marluniit sisamat tungaanut (14.00-16.00) arnat assammik arsartartut Kalaallit Illuutaannut pulaassapput, kikkulluunniillu soqutiginnittut ornigussinnaapput unammisartullu ilassiorlugit, taakku nunarsuaq tamakkerlugu tusagassiuutinit maluginiarneqarluarput unammersuarnermi takutitsilluarnertik pillugu.
Adventip sapaataasa aappaanni aamma kaffeqarumaartoq, Kalaallit Illuutaat ilisimatitsivoq.
Kina aamma Paraguay amigaataapput
Aqagu arfininngornermi arnat nunanut allanut unammisartut ingerlaqqinngitsoortut inissinniunneranni Presidents Cup-imi unammisaqattaarnerminni Kina naapissavaat ataasinngorpallu Paraguay naapissallugu.
Unamminerit taakku marluk pissapput Arena Nord-imi Frederikshavnimiittumi nalunaaqutaq 20:30, nunatsinni nalunaaqutaq 17:30.