Kangia Racemi ajugaasut
Sapaammi juunip 13-iani aatsaat siullerpaamik Kangia Raceqarneq naammassivoq, arpanneq sakkortooq, 45 kilometerinik isortussuseqartoq Ilulissallu eqqaanni ingerlanneqartoq. Oqilanerpaat 45 kilometerit ingerlavaat akunnerni sisamani, 44 minutsit 41 sekuntillu atorlugit. Inernerit takukkit
Seqinnarissoq kiattorlu ullut pingajussaannik arpannertik peqataasut 60-it holdinut 27-nut agguataarsimasut naggaserpaat, aatsat siullerpaamik Kangia Raceqarnermi.
Inuit 200-t missaanniittut ornigupput peqataasut qasoqqaqisut Ilulissanut apuunneranni ersattaakkiartorlugit, taakku arpannermi ullormi kingullermi arpapput Kangerluarsuup qinnguaniit Ilulissani apuuffiup tungaanut. Ulloq arpaffik siulleq pivoq Ilulissaniit Aallaaniarfimmi illuaqqamut. Ullup aappaani Aallaaniarfimmiit Kangerluarsummut itivillugu arpappaat.
Inernerit ataatsimut katillugit ulluni pingasuni tamani angusarinnerpaapput Frederik Petersen aamma Frederik "Fari" Mathiassen, atorpaat akunnerit sisamat, minutsit 44-t sekuntillu 41-t.
- Misigisaq nuanneqaaq. Nuanneq ajugaagatta, maanna naammassivarput, qungujulalluni nuannaarlunilu angusartik pillugu oqarpoq Frederik "Fari" Mathiassen Sermitsiaq.gl -imut.
Ajoqusertoqanngilaq
Naak peqataasut taamak amerlatigalutik 60-iusut arpaffiallu isortugaluarluni ilungersunaraluaqisoq, taamaattoq ajoqusertoqarpianngilaq. Arpattut ilaat Thuinnguaq Andreassen "Team Blok Qernertut"-meersoq akissarsisitsinermi peqataanngilaq ajoqusernini pissutigalugu ingerlaannaq angerlarami.
Allat tamarmik angerlakaapput taamaallaat tilluusalaarsimallutik imaluunniit kimillatsitilaaginnarsimallutik, akissarsisitsinermilu holdit tamarmik nuannaarput.
Peqataasut angajullersaraat 70-inik ukiulik Olav Odgaard nukarlersaraallu 18-inik ukiulik Ulrik Davidsen.
Arpanneq pillugu annertunerusumik atuarsinnaavat Sermitsiaq nr. 24-mi tallimanngorpat saqqummersussami tamatuma allaaserineqarnera, peqataasut oqaaseqartinneqarnerat arpannermiillu allat ilanngussat.
Inerinerit:
Angutit:
1. Team Profil Optik Ilulissat Frederik Petersen + Frederik Mathiassen 04:44:41
2. Team Nuka Greenland Piitaaraq Janussen + Lars Niels Berthelsen 05:09:05
3. Ulloriaq John Davidsen + Ulrik Davidsen 06:04:56
4. Team Ittu Net Allan Sandgreen + Minik Svendsen 06:57:07
5. Angutit. Jakob Væver + Hans Lars Olsen 07:04:54
6. Kunngit pingasut Ukati Villadsen + Hansinguaq Siegstad + David Kristiansen 07:22:14
7. Team Tuborg Sport Alfred Johansen + Finn Jensen 08:30:11
8. S.M.L Lars Erik Gabrielsen + Peter Fr.Olsen 09:26:11
9. Blue eyes Team Kasper Thorleifsen + Morten Gosvig Madsen 10:31:08
10. Iliikerit Nukannguaq Reimer + Emanuel Fly + Michael Jonathansen 11:46:45
11. Team Ikaqut Olav Odgaard, Michael Kleist 14:47:10
12. Team Blok Qernertut Mads Bang Jensen + Thuinnguaq Andreassen 15:03:08
Arnat
1. Team Twenty Rigmor Villadsen + Else Hansen 08:30:21
2. Team Sumut Ria Jensen + Thora Siegstad + Arnatsiaq Rosing 08:40:37
3. Meep Meep Sjung.. Akitsinnguaq Jensen + Laali Berthelsen 09:02:43
4. Team Akinnaq Karen F. Siegstad + Lisbeth Davidsen 09:33:34
5. Team PS. Anne Mette K. Gadegaard + Birgitte Sørensen. 10:49:33
6. Team Kangia Girls Tanja Johansen + Ane Marie Geisler 11:37:38
7. Team KARO-LENE. Lene Broberg, Karo T. Fleischer. 11:51:06
8. Ilingiit Inuhuit. Rosa Guldager + Elisabeth Lindbo 13:14:48
9. 55-piluit. Grete Street + Bassi Clasen 13:37:12
10. Team ULO Judithe Olsen + Bertheline M. Nielsen 15:27:07
Akuleriit holdit:
1. Los Gringos Freja Rasmussen + Andreas Kamp + Andrea Bragonzi 07:35:39
2. Team SA-GU Anda Sandgreen + Aviaq Guldager + Karl Elias Guldager 07:43:58
3. Team Nuuk. Tuperna Davidsen + Johannes Lyberth 08:08:35
4. Arpaqatigii NN Team Niels Davidsen + Lene (nuunu) Davidsen 08:54:53
5. Hundeslettens tøffelhelte Stine B. Breinhild + Kresten L. Petersen 15:40:17