Kiisami Bermuda medalje-nanniunnermi ajugaaffigaarput

Sisamanngormat unnukkut arsaannermi finalini marlunni Bermuda-mut ajorsartareerluta kiisami Kalaallit Nunaat Island Games-imik aaqqissuussisunut akiniaavoq, kalaallit arnat volleyball-ertartut normu 3-ngorniunnermi ajugaammata.
Unamminermi kalaallit unammilluaqimmata pissanganarpallaanngitsumi sæt-ini 3-0-mik ajugaapput (25-17, 25-20, 25-21).
Atuaruk "Kalaallit semifinalimi sapersarput"
Atuaruk: "Arnat volleyball-ertartut semifinalimut anngupput"
Atuaruk: "Savalimmiut Kalaallit Nunaat ajorsartippaa"
Holdip anguniarsimavaa medalje-nanniunnermut anngunnissani, taamaattumik unammiuaarneq nunanut allanut unammisartut sungiusaasuannut Morten Funchimut naammaginassaaq, kiannersua akornutigisarsimagamikku, assaat tallillu isugutannerannik arsaq aqukkuminaassinnaasarmat.
Sisamanngormat Kalaallit Nunaat Island Gamesimi pissartanut arlalissuariarlutillu pissartaasarsimasunut Saaremaa-mut ajorsarput, taakkuali finalimi savalimmiormiut arnartaannut pikkorissunut, aamma Island Gamesimi 2009-mi 2005-imilu ajugaasimasunut, 2-3-mik ajorsarput.
Arnat volleyball-imi angusaat tamaasa takukkit
Island Games 2013 pillugu Sermitsiaq.AG-p allaaserisai tamaasa atuakkit