Kim Godtfredsen angusassaanngilaq
Arpattartoq Kim Godtfredsen Nuuk Marathonimi anguneqarnani ajugaavoq. Arnani Britt Folkerman ajugaavoq.
Kim Godtfredsenip kikkut tamaasa qimappai qularnaalluinnartumillu Nuuk Marathon 2009-mi ajugaasuuvoq. Piffissaq 2:33:01 atorlugu kulturikkut illorsuup Katuap saavani apuuttarfimmut apuuppoq, isiginnaartorpassuarnik nuannarineqarluni.
Arpannerup ingerlanerani Kim Godtfredsenip ajugaanissaa nalorninartorsiortinneqanngilaq. Aallarnermiit apuunnissamik tungaanut siulliujuarsinnarpoq kiisalu arpannerup aallartilaarneranili unammillertigisinnaasani tamaasa qimappai.
Stig Brahe Sørensen tulliulluni apuuppoq atorlugit 2:37:08, taava Frederik Brummerstedt pingajuulluni appuupoq atorlugit 2·40:55.
Arnani arpaffiup isorartussusaata affaa ingerlareersoq Brit Folkerman siullersaavoq, siullersaallunilu aamma apuuppoq. Doris Krueger Tysklandimeersoq normu 2-ngorpoq piffissaq 4:14:02 atorlugu. Luzie Boenigk Tysklandimeersoq normu 3-ngorpoq piffissaq 5:00:05 atorsimallugu.