Arpanneq
Liza Tuperna inuttut nutaamik rekordiliisoq
Arpattartoq Liza Tuperna Itzchaky Danmarkimi arpatitsoqarnerani inuttut nutaamik rekordiliivoq
Københavnimi arpattarfimmi Østerbro Stadionimi arpattartoq kalaaleq Liza Tuperna Itzchaky 5.000 meterimut inuttut nutaamik rekordiliivoq.
Liza Tuperna Itzchaky 5.000 meterit 18 minutsini 29 sekundinilu atorpai, taamaasilluni 2011-mi Island Gameseqarnerani angusani qaangerlugu.
Inuttut nutaamik rekordiliinini nuannaarutigeqaa. Apuukkami ilisimanngikkaluarpaa taama sukkatigisimalluni.
- Apuukkama ingerlaannarlunga tasitsaalerpunga, arpattunullu allanut ajoqqutaananga inissillunga. Apuukkama qasutavippunga, nalunaaqutaralu ingerlaannaq 'stop' toorlugu. Apuukkama ilisimanngilara qanoq sukkatigisumik arpassimanerlunga. Nalunaaqutara takoqqaarakku 19.29 minutsit atorsigikka takuara. Nalunaaqutara takoqqillugu sunaaffa takunerlussimallugu, 19.29-iunngilaq sunaaffa 18.29-iusoq. Angusara tulluusimaarutigeqaara! Rekordigami minutsip affaanik qaangerpara, taannalu anguniarlugu arpanngikkaluarpunga, Liza Tuperna Itzchaky nuannaaqisoq allappoq.
Sivisuumik ajoqquseqqavoq ukioq kingulleq, taamaattumillu arpappianngitsoornikuulluni. Maannakkulli siuariaateqarsimanini malugilereerpaa.
Liza Tuperna Itzchaky ullumi sisamanngornermi arpaqqissaaq Københvanimi.
- Naluara qanoq qasuersaarluartigisimanerlunga, tamakkersarlungali arpassaanga. Arpaqqinnissannut qilanaalereerpunga, Liza Tuperna Itzchaky oqarpoq.
Assit ataani takukkit