Maniitsumi arnat meeqqallu arpapput
Aamma Maniitsumi arpanneq silarlu iluatsipput peqataasut 45-uullutik
Arfininngormat Maniitsumi Arnanut arpatsitsinermit 45-t peqataapput. Ilaat qamutaaralisarput ilaallu normoqaratik peqataallutik. Kikkut tamarmik arpannermut peqataapput, ilaat pisullutik, ilaat rulleskøjterlutik ilaallut sikkilerlutik. Arnat meeqqallu 3 aamma 5 kilometerinik arpapput.
Pisiffik imermik, paarnanik peqataasunullu eqqugaqssanik aningaasaliisuuvoq, ingammillu meeqqat paarnat iluareqaat. Ajugaasit tulleriit pingasut akissarsitinneqarput peqataasullu tamarmik allagartannallutik.
Juuliaaraq Nikodemussen 5 km.
Helene H. Møller 5 km.
Cecilie Oxenvad 5 km.
Birthe Møller aamma Sørine Petersen aaqqissuisuupput.
Kalaallit Røde korsiat aamma peqataavoq, Maniitsumi Arnanut arpanneq aallartinneqarmat. Taakku aningasanik katersuiniarput, peqataasunut oqariartuuteqartarlutik, Afrikami kaattunut katersuiniarnissamut tunisequllugit.
- Tunisisorpassuarnut qujavunga, Lene P. Møller Maniitsumi Kalaallit Røde Korsiani siulersuisunut ilaasortaq oqarpoq.
Arfininngormat arnat aamma Nuummi, Sismiuni, Qaqortumi, Aasiaanni, Kangerlussuarmi, Qeqertarsuarmi, Upernavimmi, Kangaatsiami, Saqqami, Niaqornaarsummi, Ilulissani kiisalu Københavnimilu arpapput.
Ksiannit Arnanut arpanneq Narsami, Nanortalimmi aamma Qeqertarsuatsiaani ingerlanneqanngilaq silarluppallaarnera peqqutigalugu.
Narsami aaqqissuisut sapaatip akunnerata tulliani arpanneq ingerlanniarpaat.
ARNANUT tullermi Arnanut apannerit pillugit atuarsinnaassaatit.