Maniitsumi Børne Cup
Holdit 18-it imersoqatigiiffinnit arfinilinnit illoqarfinnit sisamanit aggerfillit sap. ak. naanerani Maniitsumi Børne Cup'imik unammissapput
Aqagu sisamanngornermi assammik arsarnermi Børne Cup aallartinneqassaaq.
Tamanna Maniitsumi pissaaq holdit 18-it timersoqatigiiffinnit arfinilinnit peqataasoralugit. Timersoqatigiiffiit Nuummit, Maniitsumit, Sisimiunit aamma Ilulissanit aggerfillit.
Ukioqatigiiaat assigiinngitsut sisamat unammiuaassapput. Tassaallutik lilleput-piger, lilleput-drenge, puslinge-piger aamma puslinge-drenget. Unammiuaarneq sisamanngorneq nalunaaqqutaq 16.00 aallartissaq. Pissartanngorniunnerit sapaammi ualikkut ingerlanneqassapput.
Lilleput-pigerne peqataasussat tassaapput Kâgssagssuk, SAK, NÛK aamma GSS. Lilleput-drenge: GSS, S 68, Kâgssagssuk, NÛK aamma SAK. Puslinge-piger: Kâgssagssuk, NÛK, SAK aamma GSS. Puslinge-drenge: GSS, Kâgssagssuk, SAK, S 68 aamma Nagdlúnguak.