Maratonertut sermersuarmit arpapput
Arpattartut 77-it 22 aamma 42 kilometerit arpareerlugit Kangerlussuarmut uterput.
Ukiap nerumannera pissutigalugu Polar Circle Maratonimi peqataasut aqqusinerni ujaraaqqanik qallersimasuni apusiunngillat. Ippassarli arfininngornermi arpannermi atugassarisat pitsaanerusut rekordiliisitsinngillat.
Angutini siulliulluni apuuppoq Jesper Hansen Københavnimeersoq atorsimallugit akunnerit pingasut minutsillu 17-it. Normu 2 minutsit pingasut qaangiuttut apuuppoq.
Arnani apuuteqqaartuuvoq Maja Boe Aalborgimeersoq, akunnerit pingasut minutsillu 53-it arpareerluni tallini qullarlugit apuuppoq.
Siorna Marianne Delcomyn Danmarkimeersoq arpannermi tassani rekordiliivoq atorlugit akunnerit pingasut minutsillu 47-ut. Francisko Sanches Pintorip Spaniameersup atorpai akunnerit pingasut minutsillu 14-it.
Ukioq manna Polar Circle Marathonimi peqataasunit katillugit 77-init 14-it kalaaliupput. Arpattunitd 17-it maratonip affaanut arpapput.
Arpattartut arfininngormat ullaakkut sermersuup killinganut biiliunneqarput aallarnermillu kinguninngua sermersuarmi arpallutik. Kilometerit marlussuit arpareerlutik nunamut aqqaqqipput akunnittarfeqarfimmullu aqqusineq ujaraaqqanik qallersimasoq atuarlugu.
Polar Circle Marathon nunanit makkunannga peqataasoqarpoq: Kalaallit Nunaat, Danmark, Italia, Sydadfrika, Irland, Østrig, Tyskland, Tuluit Nunaat, Holland, Skotland, Australia, Canada, Mexico, Argentina, Tjekkiet, USA, Spania, Belgia aamma Frankrig.
Sermitsiaq.AG-p arpannermit angusat amerlanerusut pissarsiariniassavai.