Meqqanut inuusuttunulllu assamik arsarnermi ilinniarfik
Meeqqat inuusuttullu qulingluat 15-illu akornanni ukioqartut aasami 2010-mi 2011-milu assammik arsarnermik ilinniarnissaminnut neqeroorfigineqassapput, ilinniarluarsimasunik sungiusaasoqarlutik sungiusarsinnaassallutik arsarlutillu.
Kalaallit Nunaanni Assammik Arsartartut Kattuffiata Paarisallu Inuuneritta aallaavigalugu aasaanerani 2010-mi 2011-milu meeqqanut inuusuttunullu assammik arsarnermik ilinniartitsinissami isumaqatigiissut atsiorpaat, nanoq.gl allappoq.
Suleqatigiinnissamut isumaqatigiissut atsioqatigiiffigineqarpoq illoqarfinni arfinilinni meeqqat inuusuttullu qulingiluat 15-illu akornani ukioqartut neqeroorfigineqassapput, assammik arsartartut ilinniarluarsimasut sungiusaasoralugit assammik arsarnissaminnut sungiusarnissaminnullu.
Assammik arsarnermut ilinniarfinni aasami 2010-mi 2011-milu meeqqat inuusuttullu assammik arsarnermut tunngasunik arlalitsigut pissanganartunik sammisaqarnissamik neqeroorfigineqassapput, taamaalillutik arsarnermik sungiusarnermillu saniatigut inuunermut peqqinnartumut sammisaqarfiulluartumillu innersuunneqarlutik.
Kalaallit Nunaannni Assammik Arsartartut kattuffiata assammik arsarnermut ilinniarfiit Paarisamit tapiiffigineqarlutik illoqarfinni arfinilinni ingerlanniarpaat.
Aasaanerani 2010-mi illoqarfiit Qaqortoq, Nuuk aamma Ilulissat assammik arsarnermut ilinniartitsinissamik neqeroorfigineqassapput, assammik arsarnermut ilinniarfiit 2011-mi atorunnaartussat piareersarneqarfianni.
Paarisa katillugit 210.000 kroninik tapiissuteqarpoq ukiunut marlunnut avinneqartussamik.
Suleqagtigiinnissamik isumaqatigiissut sisamanngorpat marsip 18-ani malunnartinniarneqartumik Paasisami hans Egedep Aqqutaani 5-mi Nuummiittuni nalunaaqutaq 10 atsiorneqassaaq.