Minik isertitsinerpaavoq
Fredericia HK-p Minik Dahl Høegh peqatigalugu Skjernimut unamminera pissangarluinnarpoq.
Annonse
Sekundit qulit ingerlanerani qaffasissumi assammik arsarnermi sorpassuarnik pisoqarsinnaavoq.
Tamanna kingumut uppernarsineqarpoq Danmarkimi assammik arsarnermi qaffasinnerpaami Fredericia HK aamma Skjern unammimmata. Skjern 24-23-mik ajugaavoq. Taamaattoq Minik Dahl Høegh 23-23-mut naligiisitsigaluarpoq, unamminerup naanissaanut sekundit quliinnanngortullu.
– Jyllandilli kitaamiut saassussipput, sekundillu sinneruttut marluinnanngortut Jesper Jensenip arsaq målit teqeqquisigut isertippa 24-23-mut, Fredericia HK nittartakkamini allappoq.
Minik Dahl Høegh Fredericia HK-mi Mads Rolander peqatigalugu isertitaqarnerpaavoq, tamarmik tallimanik isertitaqarlutik.
Fredericia HK arfininngorpat FIF-mut unammissaaq taakku najugaani.