N
Nuummi assammik arsarluni unammisaqattaarnerit arfininngormat aallartipput, unammisaqattaarnerni Nûk-p inersimasuni angutitaasa arnartaasalu GSS ajugaaffigaat.
Nuummi pissartanngorniunnerit aallartiiinnaqaat. Tamanna pivoq arfininngormat septembarip 27-iani Nuummi illoqarfimmi assammik arsarnermi unammisaqattaarnerit timersortarfissuarmi Inussivimmi allartinneqarmata.
Inersimasuni arnat Nûk aamma GSS aallartipput. Unammineq NÛk-mut 34-28-imik inerneqarpoq. Unamminermi Nuummi arsarluarnerpaapput Karen Marie Kyed Meyer aamma Geerdaaraq Ingemann, taamak unammisaqattaarnerit aallartinnerannin aaqqissuisut ilaat Ingo Hansen Nûk-mmersoq oqarpoq.
Angutit unamminerat naligiiffiuneruvoq. Tassani aamma Nûk ajugaavoq. Unamminerup inerneraa 30-28.
Unamminermi tassani NÛK-mi arsarluarnerpaavoq Erik Motzfeldt Qaqortumi K-33-imi arsartartuusimasoq. Ove Petersen aamma målmand Jens Bang. GSS-imi arsarluarnerpaavoq Miki Heilmann.
GMS Angutit Cupiat
Angutit unammeqqissapput, GMS Angutini Cupi Nuup Timersortarfiani aallartippat. Unammisaqattaarnerit Sisamanngornermiit Sapaammut ingerlanneqassapput. Unammisaqattaarnerni peqataassapput SAK aamma S-68 Sisimiuniitm NÛK hold1 aamma hold 2 aamma GSS Nuummiit kiisalu Nagtoralik Paamiuniit.
Arfininngornermi inernerit:
Arnat:
NÛK - GSS 34-28
Angutit:
NÛK - GSS 30-28