Ammip qalipaataanik immikkoortitsineq
Naalagaaffiup unnerluussisuata isikkamik arsaattartut sungiusaasuanut suliaq taamaatippaa
FC Helsingørimi isikkamik arsaattartut sungiusaasuat ammip qalipaataanik immikkoortitsisutut junip qaammataani politiinut unnerluutigineqarpoq. Suliarlu massakkut taamaatinneqarpoq
FC Helsingørip sungiusaasuanut Christian Lønstrupimut suliaq, ammip qalipaataanik immikkoortitsisutut juunip qaammataani politiinut unnerluussut, Naalagaaffiup unnerluussisuanit taamaatinneqarpoq.
Christian Lønstrupi sungiusaasuuffia Superligamut qaqinerata kingorna 6. juni politiinut unnerluutigineqarpoq.
- Nukappissat unnuaru kalaallisut aalakuussagunarput, Christian Lønstrup qaqinertik nuannaarutiginerata nalaani oqarpoq.
Aqaguanili Nordsjællandip Politiivi ammip qalipaataanik immikkoortitsisimanermik unnerluussummik tigusaqarput. Suliakkiissarlu Naalagaaffiup unnerluussisuanit taamaatinneqartoq, BT.dk allappoq.
Atuaruk: Arsaattartunik sungiusaasup oqaaseqarnini utoqqatsissutigaa
Ajortumik isumaqanngitsoq
'Iluarusunnerup nalaani oqaaseqarneq ajortussarsiornerunngilaq', FC Helsingørip pisortaa Janus Kyhlip oqarpoq.
- Oqaaseqarneq tigunerlunneqarsimanera Lønstrupip ugguaraa. Oqaaseqarneup tigunerlunneqarnissaa, taassuma nammineerluni peqatigiiffiulluunniit kissaatiginngilaa. Massakkulli siumut isigissangut, taanna BT-mut oqarpoq.
FC Helsingørip peqqissumissuteqarnera unnerluutiginnittup unnerluussummik taamaatitsineranut pissutaavoq. Tamatumalu kinguneraa Naalagaaffiup unnerluussisuata suliamik taamaatitsinera.