KL

DK

Narsami timersullammaat nersornaaserneqartut

Narsami 2021-mi timersullammannut nersornaatit corona pissutigalugu illoqarfimmi innuttaasut illuanni qaaqqusat arlaqanngitsut taamaallaat najuuttoralugit agguaanneqarput.

Narsami N-85 futsalertartut nivissat U15, holditut timersullammanngortut.
John Rasmussen - Narsaq FotoNarsami N-85 futsalertartut nivissat U15, holditut timersullammanngortut. John Rasmussen - Narsaq Foto John Rasmussen - Narsaq FotoNarsami N-85 futsalertartut nivissat U15, holditut timersullammanngortut. John Rasmussen - Narsaq Foto John Rasmussen - Narsaq FotoNarsami N-85 futsalertartut nivissat U15, holditut timersullammanngortut. John Rasmussen - Narsaq Foto
John Rasmussen John Rasmussen
Published

Kommunalbestyrelsimut ilaasortaq Angutitsiaq Isbosethsen (IA), Narsami timersullammannut nersornaatinik innuttaasut illuanni tallimanngornermi ualikkut sisamat missaanni agguaassisuuvoq.

Tuniluuttoqarnissaanut aarlerinaat minnerpaaffissaminiitinniarlugu qaaqqusat ataasiakkaaginnaapput, taakkualu pingaarnertut tassaallutik nersornaaserneqartunut ilaqutaasut.

Sungiusaasutsialattut toqqarneqarpoq timersortarfiup pisortaa Susanne Lynge, futsalimi inuusuttunut sungiusaasuusoq. Taassuma U15-ini unammisartui niviarsiaqqat siorna ukiut tulleriiginnaat aappassaanni Kalaallit Nunaanni pissartanngorput. Sungiusaasutut unammisartut angusaqarnissamut imminut aqussinnaanerannik piumassuseqarnerannillu pilersitsisimavoq.

Timersortarfiup pisortaa Susanne Lynge sungiusaasutsialattut toqqarneqarpoq. Inuusuttunut futsalimi unammisartunut sungiusaasuuvoq.

Isumalluarnartutut toqqarneqarpoq timersortartoq inuusuttoq Marie Stach. Marie isikkamik arsallaqqissuuvoq, nukissamik piumassuseqassutsimillu takutitsilluartartoq arsalerillaqqilluinnartuusorlu.

Futs​alimi arsaattartoq Marie Stach, isumalluarnartutut toqqarneqarpoq.

Holditut timersullammattut toqqarneqarput N-85 Nivissat U15. Qulaani taaneqartutut Kalaallit Nunaanni ukiuni tulleriiginnarni marlunni pissartanngorsimapput.

Timersullammattut toqqarneqarpoq futsalimi arsaattartoq Rina Lynge. Taanna U15-ini kaptajniuvoq unammisartullu sinnerinik kajumissuseqalersitsisinnaassuseqarluni, tamannalu angusarissaarnermut pissutaaqataasimavoq.

Rina Lynge Nuummi ilinnialersimavoq, taamaattumillu nersornaatisiami tigunissaanut najuussinnaanani.

Arnaata, timersortarfiup pisortaata Susanne Lynge, panini sinnerlugu nersornaat tiguaa.

timersoneq
Powered by Labrador CMS