Narsarmiut kuultinnattut
Oldboysit 35+ ukioq manna nunatsinni pissartanngorniunnerat arfininngornermi unnukkut naammassineqarpoq, N85-mi arsartartut Narsameersut FC Malamummut Uummannameersunut pissanganarluinnartmik ajugaaniuttoqarnerani ajugaapput.
N85 Nua Narsameersut Oldboys 35+ Nunatsinni pissartanngorniuttoqarnerani FC Malamummut Uummannameersunut ajugaaniutivinnermi pissartanngorput.
Unammisartut Narsameersut Nuummi Inussivimmi malinnaalluartunik isiginnaartoqarlutik pissanganarluinnartumik unammigamik 3-1-imik ajugaapput. Isiginnaartut hunnorujulikkaat Young Gunsikkut unamimmata aamma toqqaananrtumik inuppassuarnik malinnaaffigineqarput.
Unammsartorlumi Narsameersoq unammersuarnermi ukioq manna akiuulluarnerpaatut toqqagaasoq tassaavoq Kilaasi Ludvigsen.
Illoqarfiit pingaarnersaannit unammisartut ajugaaniutivittoqarneranut anngutsinngitsoorsimasut bronzinnanniuttoqarnerani holdinik marlunnik unammisoqarput, tassani B-67 "qernertu" B 67 "tungujortunut" 4-1-imik ajugaallutik.
Ukioq manna arsallammattut Kaassannguaq Zeeb FC Malamummeersoq toqqagaavoq, ukioq mannalu teknikeritut Nikolaj Uitsatikitseq Kulusummeersoq TM 62-imi unammisartoq toqqagaalluni.
Unammisartut Tunuminngaanneersut Nuummut apuunniarnerminni ajornartorsiuteqarsimapput, apuukkamillu arfininngornermi sisamariarlutik unammisariaqarsimallutik.
Ukioq manna unammisartutsialattut toqqagaapput
Målmand Harald mathæussen TM-62 Kulusuk.
Kaassannguaq Zeeb Malamuk.
Claus Larsen B67 sort.
Morten Nuku Hansen N85 Nua.
Ejner Grønvold B67 Sort.
